Jong’ad Bura 5:4 - Motingʼo Loko Manyien

⁴ “Yaye Jehova Nyasaye, piny noyiengni, kendo polo nogingore, mi koth ochwe kane iwuok Seir e piny Edom.

MUMA MALER 2015

⁴ Kane Ruoth Nyasaye owuok oa Seir e piny Edom, piny noyiengni, kendo polo notetni, mi boche polo noton piny mang’eny.

Jong’ad Bura 5:4 ပူးပေါင်းရင်းမြစ်များ

Chakruok 32:4

Jakobo nomiyogi chik niya, “Ma e gima onego udhi uwach ne ruodha Esau: Misumbani Jakobo wacho ni, ‘Asebedo ka adak gi Laban kendo asebedo kuno nyaka chil kawuono.

2 Samuel 22:8

Piny notetni kendo oyiengni, mise mag polo noyiengni; negitetni nikech nokecho.

Ayub 9:6

Oyiengo piny gie mise mare kendo omiyo sirni mage yiengni.

Zaburi 68:9

Ne ichiwo koth mogundho, yaye Nyasaye; ne idwogo chuny girkeni mari mane ojony.

Zaburi 77:17

Boche polo ne oolo pi piny, kendo polo nomor e kor polo, ka asernigi mil koni gi koni.

Zaburi 77:18

Mor polo mari nowinji ei yamo mager, mil polo mari nomenyo piny duto, kendo piny notetni kendo oyiengni.

Isaya 63:19

Wan magi kochakore chon to ok isebedo ruodhgi, to bende ok oseluong-gi gi nyingi.

Mika 1:4

Gode noleny e bwoye kendo holni nobarore kapogore koni gi koni, mana ka odok mobolie mach, kendo mana ka pi maburore koa ewi thur.

Rapar mar Chik 33:2

Nowachonegi niya, “Jehova Nyasaye nobiro koa Sinai mochopo irgi koa Seir, mi ofwenyore koa e got Paran. Nobiro gi oganda maler kowuok yo milambo e kor gode mage.

Jo-Hibrania 12:26

E kindeno dwonde noyiengo piny, to koro sani osesingore niya, “Abiro chako yiengo piny kendo. To ok anayieng piny kende, to anayieng polo bende.”