Jong’ad Bura 4:9 - Motingʼo Loko Manyien

⁹ Debora nowachone niya, “Mano kare, abiro dhi kodi. To nikech yo ma itimoe gini duongʼ, ok nobed mari, nimar Jehova Nyasaye nochiw Sisera ne dhako.” Omiyo Debora nodhi gi Barak nyaka Kedesh,

MUMA MALER 2015

⁹ Debora nowachone niya, “Adier abiro dhi kodi, to kata kamano, lwenjni ok nokelni duong’, nimar Ruoth Nyasaye biro chiwo Sisera mana e lwet dhako.” Kamano Debora noa malo, modhi gi Barak Kedesh.

Jong’ad Bura 4:9 ပူးပေါင်းရင်းမြစ်များ

2 Weche mag Ndalo 26:18

Negikwere kagiwacho niya, “Uzia, ok en tiji wangʼo ni Jehova Nyasaye ubani; nimar mano en tij jodolo ma nyikwa Harun mane opwodhi mondo giwangʼ ubani. Wuogi e kama ler mar lemo nikech iseketho, omiyo Jehova Nyasaye ok nogwedhi.”

Jong’ad Bura 2:14

Jehova Nyasaye nobedo gi mirima gi jo-Israel mochiwogi e lwet wasikgi mondo omonjgi. Ne ochiwogi e lwet wasikgi kuonde duto mane ok ginyal tony.

Jong’ad Bura 4:8

Barak nowachone niya, “Ka idhi koda, abiro dhi; to ka ok idhi koda, to ok abi dhi.”

Jong’ad Bura 9:53

to dhako moro nolwaro kidi maduongʼ mar nyapongʼ ewi Abimelek mi obarore.

Jong’ad Bura 9:54

Noluongo jatingʼne gik lweny mapiyo mowachone niya, “Wuodh liganglani kendo inega, mondo kik giwach ni, ‘Dhako ema nonege.’ ” Omiyo jatichne nowuodho ligangla mochwowego kendo otho.

1 Samuel 2:30

“Kuom mano Jehova Nyasaye ma Nyasach jo-Israel wacho ni, ‘Ne asingora ni odi kod od wuonu nobed jotichna nyaka chiengʼ.’ To koro Jehova Nyasaye wacho ni, ‘Ma ok anatim! Joma miya duongʼ ema abiro miyo duongʼ, to joma ochaya ok nobed gimoro.