Jong’ad Bura 4:21 - Motingʼo Loko Manyien

²¹ Jael, ma chi Heber, nokawo sigingi mar hema kod nyundo kendo nodhi ire mapiyo kama nindo nogoye ngoga, kendo ool. Nopowo iye gi sigingino nyaka e lowo, mi otho.

MUMA MALER 2015

²¹ To Jael chi Heber nokawo tuor kod mulo migurogo hema. Nolidho, modhi ir Sisera mane oyudo nindo ogoyo ngoga. Noguro wiye gi mulono, mi obwongone othichore. Sisera nogwecho, motho.

Jong’ad Bura 4:21 ပူးပေါင်းရင်းမြစ်များ

Zaburi 3:7

Aa malo, yaye Jehova Nyasaye! Resa, yaye Nyasacha! Tur chok lemb wasika duto; Muk leke joma timbegi richo.

1 Jo-Korintho 1:19

nikech ondiki niya, “Abiro ketho rieko joma riek; kendo ngʼeyo mar joma riek abiro keyo nono.”

1 Jo-Korintho 1:27

To Nyasaye noyiero gima ofuwo mag piny mondo okuodgo wi joma riek. Nyasaye noyiero bende gik manyap mag piny mondo okuodgo wi joma rateke.

Jong’ad Bura 15:15

Noyudo chogo manyien mar lemb punda, nokawe kendo nonego ji alufu achiel.

Jong’ad Bura 3:21

Ehud norieyo bade koracham, mi owuodho ligangla koa e bamne korachwich kendo ochwoyo ii ruoth.

Jong’ad Bura 3:31

Bangʼ Ehud, Shamgar wuod Anath nobiro, en ema ne onego jo-Filistia mia auchiel gi bidhi. En bende noreso jo-Israel.

Jong’ad Bura 4:20

Nowachone niya, “Chungʼ e dhood hema. Ka ngʼato obiro kendo openji ni, ‘Bende ngʼato nitiere ka?’ To wachne ni, ‘Ooyo.’ ”

Jong’ad Bura 4:22

Barak nobiro kolawo Sisera, kendo Jael nowuok mondo orom kode. Nowachone niya, “Bi, abiro nyisi ngʼat ma imanyo.” Omiyo nodhi kode, kendo kanyo Sisera nonindo gi sigingi kopowo iye kosetho.

Jong’ad Bura 4:9

Debora nowachone niya, “Mano kare, abiro dhi kodi. To nikech yo ma itimoe gini duongʼ, ok nobed mari, nimar Jehova Nyasaye nochiw Sisera ne dhako.” Omiyo Debora nodhi gi Barak nyaka Kedesh,

1 Samuel 17:43

Nowachone Daudi niya, “An guok mibirona kitongʼona kete?” Ja-Filistia nokwongʼo Daudi gi nying nyisechene.