Jong’ad Bura 3:4 - Motingʼo Loko Manyien

⁴ Jehova Nyasaye nowegi mondo otemgo jo-Israel kendo ongʼego ka ginyalo rito chike mane omiyo kweregi kokalo kuom Musa.

MUMA MALER 2015

⁴ Ruoth Nyasaye noweyo jogo mondo otemgo jo-Israel, kendo ong’ego ka ginyalo rito chike mane omiyo Musa mondo omi kweregi.

Jong’ad Bura 3:4 ပူးပေါင်းရင်းမြစ်များ

Wuok 15:25

Eka Musa noywak ne Jehova Nyasaye kendo Jehova Nyasaye nonyise yien moro. Nobole ei pi mi pi obedo mamit. Kanyo ema Jehova Nyasaye nomiyogie buche kod chike kendo notemogi.

1 Jo-Korintho 11:19

Mano emomiyo nitiere pogruok e kindu mondo joma Nyasaye oyiego ongʼere maler.

Rapar mar Chik 33:8

Kuom jo-Lawi, Musa nowuoyoe kama: “Nimiyo nyikwa Lawi ombulu miluongo ni Thumim gi Urim mondo gingʼego dwaroni nikech gin joma tiyoni gadiera. Ne imiyogi tembe kama iluongo ni Masa kendo sokni mag Meriba mi inwangʼo ni gin jo-adiera.

Rapar mar Chik 8:2

Parieuru kaka Jehova Nyasaye ma Nyasachu ne otelonu ka ukalo e piny motwo kuom higni piero angʼwen-gi duto, mondo opuonju bolruok, kopimo paro ma un-godo e chunyu ka bende unyalo rito chikene.

Jong’ad Bura 2:22

Anati kodgi kuom temo Israel mondo ane ka ginyalo rito yo Jehova Nyasaye kendo wuothoe yorno kaka kweregi notimo.”

Jong’ad Bura 3:1

Magi e oganda mane Jehova Nyasaye oweyo mondo otem jo-Israel duto mane ok osekalo e lweny moro amora e piny Kanaan.