Jong’ad Bura 3:15 - Motingʼo Loko Manyien

¹⁵ Jo-Israel nochako oywak ne Jehova Nyasaye mi nomiyogi jakony, Ehud, wuod Gera ja-Benjamin, mane racham. Jo-Israel noore gi chudo ir Eglon ruodh Moab.

MUMA MALER 2015

¹⁵ To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

Jong’ad Bura 3:15 ပူးပေါင်းရင်းမြစ်များ

2 Samuel 20:10

To Amasa ne onge gi paro moro amora kuom ligangla mane ni e lwet Joab, kendo Joab nochwowo bund iye gi liganglano molal, mi nyimbiye noredhore piny. Amasa notho ma ok ochako ochwowe kendo. Eka Joab gi owadgi ma Abishai nolawo Sheba wuod Bikri.

2 Samuel 20:9

Joab nowachone Amasa niya, “Idhi nade owadwa?” Eka Joab nomako Amasa gi yie tike gi lwete ma korachwich ka gima odwaro mose gi nyoth.

1 Weche mag Ndalo 12:2

mane omanore gi atungʼ mikedogo, kendo neginyalo diro asere kata orujre gi badgi korachwich kata koracham, bende ne gin wede Saulo koa e oganda mar Benjamin):

1 Weche mag Ndalo 8:3

Yawuot Bela ne gin: Adar, Gera, Abihud,

1 Weche mag Ndalo 8:5

Gera, Shefufan kod Huram.

2 Weche mag Ndalo 9:24

Higa ka higa, ngʼato ka ngʼato manobiro nokelo mich kaka gik molos gi fedha kod dhahabu, kandho, gige lweny, gik mangʼwe ngʼar, farese kod punde.

Zaburi 50:15

kendo luongauru e kinde ma un e chandruok; to abiro resou e chandruokugo, eka ubiro miya duongʼ.”

Zaburi 78:34

E kinde moro amora mane Nyasaye okumogie, to ne gimanye mine gilokore ka gidware gi siso.

Zaburi 90:15

Mi wabed mamor amingʼa mana kaka isemiyo waneno malit, marom gi higni ma wasenene chandruok.

Ngeche 18:16

Chiwo yawo yo ne ngʼat machiwo kendo tere e nyim jomadongo.

Ngeche 19:6

Ji mangʼeny temo mondo oyud pwoch kuom ruoth, to ngʼato ka ngʼato bedo osiep ngʼat machiwo mich.

Ngeche 21:14

Mich mochiw lingʼ-lingʼ kweyo mirima to asoya mopandi ei law jiwo mirima maduongʼ.

Isaya 36:16

“Kik uwinj wach Hezekia. Ma e gima ruodh Asuria wacho: Winjreuru koda kendo biuru ira oko. Bangʼe ngʼato ka ngʼato kuomu nocham mzabibu kod ngʼowu kendo nomodh pi moa e sokone owuon,

Jeremia 33:3

‘Bi ira, kendo anaduoki, kendo ananyisi gik madongo ma ok ingʼeyo.’

Jong’ad Bura 2:16

Eka Jehova Nyasaye nowalo jongʼad bura, mane okonyogi e lwet joma sandogi.

Jong’ad Bura 20:16

To kuom jolwenygo duto mane oyier ne nitie ji mia abiriyo ma rochembe manyalo bayo orujre, ma moro ka moro ne nyalo bayo orujre ma goo yier wich ma ok obayo.

Jong’ad Bura 3:14

Jo-Israel nobedo e bwo loch Eglon ruodh Moab kuom higni apar gaboro.

Jong’ad Bura 3:16

Ehud nothedho pand ligangla ma dhoge ariyo ma borne dirom fut achiel gi nus, mane oliere e bamne korachwich ei lepe.

Jong’ad Bura 3:9

To kane giywakne Jehova Nyasaye, nochiwonegi jakony, ma en Othniel wuod Kenaz, owadgi Kaleb matin, mane oresogi.

Jong’ad Bura 4:3

Nikech ne en-gi geche chuma mia ochiko kendo notiyo jo-Israel gachuna kuom higni piero ariyo, ne giywakne Jehova Nyasaye mondo oresgi.

1 Samuel 10:27

To jomoko ma acheje nowacho niya, “Ere kaka ngʼatni nyalo resowa?” Negi chaye mine ok gikelone mich. To Saulo nolingʼ mos.