Jong’ad Bura 21:8 - Motingʼo Loko Manyien

⁸ Eka negipenjo niya, “En dhoot Israel mane mane ok ochokore e piny Mizpa e nyim Jehova Nyasaye?” Negifwenyo ni onge ngʼama noa Jabesh Gilead manobiro mochokore e chokruokno.

MUMA MALER 2015

⁸ Mano emomiyo ne gipenjore ka nitie jomoko kuom dhout Israel mane ok obiro Mizpa e nyim Ruoth Nyasaye. To nobedo ni onge ja-Jabesh-gilead mane obiro e chokruokno,

Jong’ad Bura 21:8 ပူးပေါင်းရင်းမြစ်များ

1 Weche mag Ndalo 10:11

Kane jo-Jabesh Gilead nowinjo gik moko duto mane jo-Filistia osetimo ni Saulo,

Jong’ad Bura 21:7

Ere kaka wanyalo miyo jogo modongʼ mon, nimar wasekwongʼore e nyim Jehova Nyasaye ni ok wanamigi nyiwa mondo gikendi?”

Jong’ad Bura 21:9

Nimar kane gikwano ji, negiyudo ni onge ngʼama noa jo-Jabesh Gilead.

Jong’ad Bura 5:23

Malaika mar Jehova Nyasaye nowacho ni, ‘Okwongʼ Meroz kaachiel gi joge gi kwongʼ malit, nikech ne ok gibiro mondo gikony Jehova Nyasaye e lwet joma tek.’

1 Samuel 11:7

Ne okawo rwedhi ariyo mag pur mi oyangʼo mi opogo ringʼo lemo lemo, eka nooro joote gi ringʼogi e piny Israel duto, kowacho niya, “Ma e gima ibiro timne rweth ngʼat modagi luwo bangʼ Saulo gi Samuel.” Eka luoro mar Jehova Nyasaye ne omako ji mine giwuok gi chuny achiel.

1 Samuel 11:9

Neginyiso joote mane obiro niya, “Wachneuru jo-Jabesh Gilead ni, ‘E sa ma chiengʼ oore, enoresu.’ ” Kane joote odwoko ne jo-Jabesh wachni negimor.