Jong’ad Bura 21:22 - Motingʼo Loko Manyien

²² Ka wuonegi kata owetegi obiro donjo irwa, to wabiro wachonegi ni, ‘Timnwa ngʼwono kuom konyogi, nikech ne ok wayudonegi mon e kinde mag lweny, kendo un uonge gi wach, nikech un ne ok umiyogi nyiu.’ ”

MUMA MALER 2015

²² Ka wuonegi kata owetegi obiro iru mondo ogolgi, to unyalo wachonigi niya, ‘Yieuru wakendgi, nikech ne ok wamayougi e lweny mondo gibed mondewa. To bende ne ok umiyowagi, omiyo pok uketho singruok ma dikelnu bura!’ ”

Jong’ad Bura 21:22 ပူးပေါင်းရင်းမြစ်များ

Chakruok 1:27

Kuom mano Nyasaye nochweyo dhano e kite owuon, e kit Nyasaye nochweye; nochweyogi dichwo gi dhako.

Chakruok 7:13

Odiechiengʼno Nowa gi yawuote, Shem, Ham, kod Jafeth, kaachiel gi chiege kod mond yawuote adek, nodonjo e yie.

Ngeche 20:25

En obadho ne ngʼato masingo gimoro ka ok oparo, to achien eka oparo singruokne.

1 Jo-Korintho 7:2

To nikech weche mag terruok ngʼeny, ngʼato ka ngʼato nyaka bed gi chiege owuon kendo dhako ka dhako obed gi chwore owuon.

Jong’ad Bura 21:1

Jo-Israel nosekwongʼore e piny Mizpa niya, “Onge kata achiel kuomwa mabiro chiwo nyare mondo okendi gi ja-Benjamin.”

Jong’ad Bura 21:14

Omiyo jo-Benjamin noduogo e sechego kendo nomigi mond jo-Jabesh Gilead mane odongʼ. To mon-go ne ok nyal romogi duto.

Jong’ad Bura 21:18

Ok wanyal miyogi nyiwa obed mondegi, nimar wan jo-Israel wasekwongʼore kama: ‘Okwongʼ ngʼatno mochiwo nyare mondo okend gi ja-Benjamin.’

Jong’ad Bura 21:7

Ere kaka wanyalo miyo jogo modongʼ mon, nimar wasekwongʼore e nyim Jehova Nyasaye ni ok wanamigi nyiwa mondo gikendi?”