Jong’ad Bura 21:10 - Motingʼo Loko Manyien

¹⁰ Eka chokruokno nomiyo jolweny alufu apar gariyo chik mondo gidhi Jabesh Gilead kendo gineg joma odak kanyo machwo, kaachiel gi mon gi nyithindo.

MUMA MALER 2015

¹⁰ Omiyo jo-Israel nooro jogi ma jochir alufu apar gariyo, ka gichikogi niya, “Dhiuru Jabesh-gilead mondo uneg joma odakie, chwo gi mon kod nyithindo.

Jong’ad Bura 21:10 ပူးပေါင်းရင်းမြစ်များ

Kwan 31:17

Omiyo neguru yawuowi duto. Kendo uneg dhako moro amora moseriwore gi dichwo,

Rapar mar Chik 13:15

to nyaka uneg jogo duto modak e dalano gi ligangla. Neg-giuru duto kaachiel gi jambgi.

Joshua 7:24

Bangʼ mano Joshua, kaachiel gi jo-Israel duto nokawo Akan ma nyakwar Zera, gi fedha, gi njora, gi dhahabu, yawuote kod nyige, dhok, punde kod rombe, hembe kod gigo duto ma en godo mi giterogi nyaka e holo mar Akor.

Jong’ad Bura 21:5

Eka jo-Israel nopenjo niya, “En dhoot mane e kind dhout Israel duto mapok ochokore e nyim Jehova Nyasaye?” Nimar ne gisekwongʼore ni dhoot moro amora ma ok ochokore e piny Mizpa e nyim Jehova Nyasaye nyaka negi.

Jong’ad Bura 21:8

Eka negipenjo niya, “En dhoot Israel mane mane ok ochokore e piny Mizpa e nyim Jehova Nyasaye?” Negifwenyo ni onge ngʼama noa Jabesh Gilead manobiro mochokore e chokruokno.

Jong’ad Bura 21:9

Nimar kane gikwano ji, negiyudo ni onge ngʼama noa jo-Jabesh Gilead.

Jong’ad Bura 5:23

Malaika mar Jehova Nyasaye nowacho ni, ‘Okwongʼ Meroz kaachiel gi joge gi kwongʼ malit, nikech ne ok gibiro mondo gikony Jehova Nyasaye e lwet joma tek.’

1 Samuel 11:7

Ne okawo rwedhi ariyo mag pur mi oyangʼo mi opogo ringʼo lemo lemo, eka nooro joote gi ringʼogi e piny Israel duto, kowacho niya, “Ma e gima ibiro timne rweth ngʼat modagi luwo bangʼ Saulo gi Samuel.” Eka luoro mar Jehova Nyasaye ne omako ji mine giwuok gi chuny achiel.

1 Samuel 15:3

Koro dhiyo imonj jo-Amalek kendo itiek gimoro amora ma mekgi. Kik iwegi; neg chwo gi mon, gi rowere gi nyithindo madhoth, dhok, rombe, ngamia gi punde.’ ”