Jong’ad Bura 20:8 - Motingʼo Loko Manyien

⁸ Ji duto nochungʼ mowuoyo gi dwol achiel niya, “Onge ngʼato kuomwa ka mabiro dhi dala. Ooyo, onge kata ngʼato achiel kuomwa madok e ode.

MUMA MALER 2015

⁸ Mi ji duto nochung’ rat, mowacho niya, “Onge kata ng’ato achiel kuomwa ma biro dok e hembe kata ode.

Jong’ad Bura 20:8 ပူးပေါင်းရင်းမြစ်များ

Ngeche 21:3

Timo gima kare kod mowinjore ema Jehova Nyasaye oyiego moloyo misango.

Eklesiastes 9:10

Gimoro amora ma lweti oyudo mondo otim, time gi tekri duto, nimar ei bur, kama ibiro idhiyoe, onge tich kata loso chenro kata ngʼeyo kata rieko.

Jong’ad Bura 20:1

Eka jo-Israel duto chakre Dan nyaka Bersheba, kaachiel gi joma oa e piny jo-Gilead nowuok kaka oganda achiel ma gichokore Mizpa e nyim Jehova Nyasaye.

Jong’ad Bura 20:11

Omiyo jo-Israel nochokore kanyakla ma giriwore gibedo gimoro achiel ka gikedo gi dala maduongʼno.

Jong’ad Bura 20:7

Koro, un jo-Israel duto, wuouru kendo ungʼad bura e wachni.”

Jong’ad Bura 20:9

To koro ma e gima wabiro timo ne Gibea: Wabiro kedo kodgi kaka ombulu owacho.

Jong’ad Bura 21:1

Jo-Israel nosekwongʼore e piny Mizpa niya, “Onge kata achiel kuomwa mabiro chiwo nyare mondo okendi gi ja-Benjamin.”

Jong’ad Bura 21:5

Eka jo-Israel nopenjo niya, “En dhoot mane e kind dhout Israel duto mapok ochokore e nyim Jehova Nyasaye?” Nimar ne gisekwongʼore ni dhoot moro amora ma ok ochokore e piny Mizpa e nyim Jehova Nyasaye nyaka negi.