Jong’ad Bura 20:34 - Motingʼo Loko Manyien

³⁴ Eka jo-Israel alufu apar man-gi lony kuom lweny nomonjo Gibea gi e yo ka nyimgi. Lwenygi ne tek ma jo-Benjamin ne ok ofwenyo ni masira biro tiekogi.

MUMA MALER 2015

³⁴ mi gimonjo dalano, ka gia yo wuok chieng’. Lweny nodoko mager, to jo-Benjamin ne pok ong’eyo ni ibiro tiekogi.

Jong’ad Bura 20:34 ပူးပေါင်းရင်းမြစ်များ

Ayub 21:13

Piny dhi kodgi maber higa ka higa, kendo githo ka gin gi kwe.

Ngeche 29:6

Ngʼat marach dwodore e obadho mar richone owuon, to ngʼat makare nyalo wer mobed mamor.

Ngeche 4:19

To yor joricho chalo gi mudho mandiwa; ok gingʼeyo gima miyo gichwanyore.

Eklesiastes 9:12

Kuom mano, onge ngʼama ongʼeyo sa ma kindene chopoe: Mana kaka rech imako gi gogo, kata winy imako gi wino, e kaka dhano moko e obadho mar richo ka ok ongʼeyo.

Isaya 47:11

Masira biro maki, mi ok ningʼe kaka digole kuomi. Adier kwongʼ nogore kuomi ma ok initieki gi misango, ee chandruok maduongʼ ma ok inyal neno sani biro choponi.

Mathayo 24:44

Kamano bende e kaka un bende onego ubed moikore, nikech Wuod Dhano biro biro sa ma ok ungʼeyo.

Luka 21:34

“Beduru motangʼ, nono chunyu biro bedo monyosore gi pek, mer kod parruok mar ngima to ndalono nochopnu apoya kaka obadho.

1 Jo-Thesalonika 5:3

E sa ma ji paro ni piny okwe kendo weche beyo, ema masira nopogie kadiemo wangʼ, mana kaka muoch poyo dhako man-gi ich, bende ok ginitony.

Joshua 8:14

Kane ruodh Ai oneno ma, en kod ji duto mar dala maduongʼ nowuok oko mapiyo nono gokinyi mangʼich mondo girom kod jo-Israel e lweny kama omanyore gi Araba. To ne ok ongʼeyo ni kar pondo noseketi e ngʼe dala maduongʼno.

Jong’ad Bura 20:35

Jehova Nyasaye noloyo jo-Benjamin e nyim Israel kendo odiechiengno jo-Israel nonego jo-Benjamin alufu piero gabich gi mia achiel man-gi ligangla.