Jong’ad Bura 2:9 - Motingʼo Loko Manyien

⁹ Kendo ne giike e lope mane opogne mantiere Timnath Sera e piny gode mag Efraim, mantiere yo nyandwat mar Got Gash.

MUMA MALER 2015

⁹ Ne giyike e lope owuon Timnath-heres, man yo nyandwat mar got Gaash e piny gode mag Efraim.

Jong’ad Bura 2:9 ပူးပေါင်းရင်းမြစ်များ

Joshua 19:49

Kane gisetieko pogo pinyno e migepe ka migepe, jo-Israel nomiyo Joshua wuod Nun pok e diergi,

Joshua 19:50

mana kaka Jehova Nyasaye nosechiko. Negimiye dalano mane okwayogi, ma en, Timnath Sera manie piny Efraim. Kuom mano, nogero dala kanyo modakie.

Joshua 24:29

Bangʼ mago duto, Joshua wuod Nun, jatich Jehova Nyasaye, notho ka en gi higni mia achiel gapar.

Joshua 24:30

Kendo ne giike e lope mane opogne, mantiere Timnath Sera e piny gode mag Efraim, mantiere yo nyandwat mar Gash.

Jong’ad Bura 1:1

Bangʼ tho Joshua, jo-Israel nopenjo Jehova Nyasaye niya, “Ere ngʼama biro dhi mokwongo mondo okednwa gi jo-Kanaan?”

Jong’ad Bura 2:8

Joshua wuod Nun, jatich Jehova Nyasaye, notho ka en ja-higni mia achiel gapar.