Jong’ad Bura 19:16 - Motingʼo Loko Manyien

¹⁶ Odhiambono jaduongʼ moro moa e piny gode mag Efraim, mane odak Gibea (joma nodak kanyo ne gin jo-Benjamin), nobiro kanyo koa tiyo e puothe.

MUMA MALER 2015

¹⁶ E sano, jaduong’ moro nobiro kanyo koa e puothe. Ne en ja piny gode mag Efraim, to kata kamano nodak Gibea ma en dala jo-Benjamin.

Jong’ad Bura 19:16 ပူးပေါင်းရင်းမြစ်များ

Chakruok 3:19

Inicham chiembi mana kuom luchi, nyaka idog e lowo nikech kanyo ema ne ogolie, nimar in lowo kendo lowo ema nidogie.”

Zaburi 104:23

Eka dhano wuok oko chako tijene, kendo nyagore gi tich nyaka odhiambo.

Zaburi 128:2

Ibiro chamo olemb luchi; iniyud gweth kendo inidhi maber.

Ngeche 13:11

Pesa moyud e yo ma ok kare lal nono, to ngʼat makano pesa matin matin miyo omedore.

Ngeche 14:23

Tich matek duto kelo ohala, to wuoyo awuoya maonge tim kelo dhier.

Ngeche 24:27

Tiek tijeni ma oko kendo ik puothegi; bangʼ mano, eka iger odi.

Eklesiastes 1:13

Ne achiwora mondo atiegra kendo anon matut kod rieko gigo duto mitimo e bwo polo. Mano doko tingʼ mapek ma Nyasaye oyieyo kuom ji!

Eklesiastes 5:12

Jachan nindo mamuol, kata ka ochiemo matin kata ka ochiemo mathoth, to jo-mwandu parore ma ok nyal nindo.

Hosea 9:9

Gisedonjo matut e timbe mag miganga mana ka ndalo mag Gibea. Nyasaye nopar timbegi mamono kendo enokumgi e richogi.

Jo-Efeso 4:28

Ngʼato ma yande kwalo nyaka koro we kuo chuth, to nyaka oti tich gi lwete owuon mondo okonyrego kendo okony bende joma moko mochando.

2 Jo-Thesalonika 3:10

Nikech kata e kinde mane wan kodu ne wamiyou chik niya, “Ka ngʼato budho abudha ma ok odwar tiyo to kik ochiem.”

Jong’ad Bura 19:1

Ndalogo jo-Israel ne onge gi ruoth. Koro ja-Lawi mane odak e chuny piny e gode mag Efraim nokendo nyako moro moa Bethlehem e piny Juda.

Jong’ad Bura 19:14

Omiyo negidhi nyime giwuoth, kendo chiengʼ nopodho ka gichiegni chopo Gibea e piny Benjamin.

Jong’ad Bura 19:15

Kane gichopo kanyo mondo gibuor, negidhi mi gibet e laru mar dala maduongʼ, to onge ngʼama norwakogi mondo giyud kar nindo.

Jong’ad Bura 19:17

Kane ongʼiyo moneno jawuoth e laru mar dala maduongʼ, jaduongʼno nopenje niya, “Ua kanye, to udhi kanye?”