Jong’ad Bura 16:6 - Motingʼo Loko Manyien

⁶ Omiyo Delila nowachone Samson niya, “Nyisa ane kuma tekoni ae kendo kaka inyalo maki mi tweyi.”

MUMA MALER 2015

⁶ Omiyo Delila nowacho ni Samson niya, “Yie inyisa kuma tekoni malichni aye. Ka ng’ato dwaro tueyi mondo omayi teko, onyalo timo ang’o?”

Jong’ad Bura 16:6 ပူးပေါင်းရင်းမြစ်များ

Nehemia 6:4

Ne giorona wach achielni nyadingʼwen, to seche duto ne amiyogi dwoko machalre.

Zaburi 12:2

Ngʼato ka ngʼato riambo ne nyawadgi; dhogi mohero jaro ji wuoyo gi wuond.

Ngeche 22:14

Dho dhako ma jachode en bur matut; ngʼatno manie bwo mirimb Jehova Nyasaye biro lingʼore e iye.

Ngeche 26:28

Lep mariambo mon kod jogo mohinyo, to dhok mawuondo ji kelo kethruok.

Ngeche 6:26

Nikech ochot nyalo miyo ibed matin maromo gi nengo makati, to dhako ma jachode biro tieko ngimani.

Ngeche 7:21

Kamano, dhakono nowuonde gi weche mamit; mi nohoye kendo odhi kode.

Mika 7:2

Joma oluoro Nyasaye bende osetieki morumo e piny; ja-ratiro onge kata mana achiel modongʼ. Ji duto pondo karito mondo ochwer remo, moro ka moro manyo nyawadgi mondo odwodi.

Mika 7:5

Kik igen kuom ngʼama odak e bathi kata osiepni kik iyiego. Wuo kitangʼ kata gi chiegi ma ugenorugo.

Jong’ad Bura 14:17

Noywak odiechienge abiriyo duto mar nyasi. Omiyo e odiechiengʼ mar abiriyo nonyise, nikech nosiko mana kokase. Bangʼe nonyiso joge tiend ngerono.

Jong’ad Bura 16:5

Jotend jo-Filistia nodhi ir Delila mi owachone niya, “Tem ane ka inyalo hoye mondo onyisi kuma tekone ae kendo ingʼe kaka wanyalo loye mondo mi watweye kendo sande. Wabiro miyi fedha ma pekne romo kilo apar gadek ngʼato ka ngʼato.”

Jong’ad Bura 16:7

Samson nodwoke niya, “Ka ngʼato otweya gi tonde abiriyo manyien mapok otiyo, to abiro bedo manyap machal gi ngʼato angʼata.”