Jong’ad Bura 16:5 - Motingʼo Loko Manyien

⁵ Jotend jo-Filistia nodhi ir Delila mi owachone niya, “Tem ane ka inyalo hoye mondo onyisi kuma tekone ae kendo ingʼe kaka wanyalo loye mondo mi watweye kendo sande. Wabiro miyi fedha ma pekne romo kilo apar gadek ngʼato ka ngʼato.”

MUMA MALER 2015

⁵ Ruodhi mag jo-Filistia nodhi ir nyakono, mowachone niya, “Ho ane Samson, mondo ing’e kuma tekone malichno aye, kendo ing’e kaka wanyalo loye mi watueye kendo wamake. Kitimo kamano to ng’ato ka ng’ato kuomwa biro miyi fedha alufu achiel gi mia achiel.”

Jong’ad Bura 16:5 ပူးပေါင်းရင်းမြစ်များ

Chakruok 33:16

Kuom mano odiechiengʼno Esau nochako wuodhe ka odok Seir.

Mika 7:3

Lweteni duto ariyo olony e timo richo. Jatelo dwaro mich githuon, jangʼad bura kawo asoya, jogi maroteke chuno ji gi timo gigegi magidwaro, giduto kaachiel giwinjore e wachni.

Mathayo 26:15

mopenjogi niya, “Angʼo mubiro miya ka achiwe e lwetu?” Omiyo ne gikwanone pesa mamingli mag fedha piero adek.

Joshua 13:3

kochakore e Aora Shihor man yo wuok chiengʼ mar Misri nyaka e tongʼ Ekron man yo nyandwat, magi duto nokwan kaka jo-Kanaan. Kuonde mane jotelo abich mag Filistia orito ne gin, Gaza, Ashdod, Ashkelon, Gath kod Ekron; magi ne gin mag jo-Avi

Jong’ad Bura 14:15

E odiechiengʼ mar angʼwen, neginyiso chi Samson niya, “Hoo chwori mondo onyiswa tiend ngerono, ka ok kamano, to wabiro wangʼi kaachiel gi od wuonu duto nyaka utho. Ne iluongowa kae mondo imawa?”

Jong’ad Bura 16:4

Bangʼ mano, nomako osiep hera gi nyako ma nyinge Delila e Holo mar Sorek.

Jong’ad Bura 16:6

Omiyo Delila nowachone Samson niya, “Nyisa ane kuma tekoni ae kendo kaka inyalo maki mi tweyi.”

Jong’ad Bura 17:2

nowachone min mare niya, “Fedha ma pekne romo kilo apar gadek mane omayi kendo mane awinjo kikwongʼogo ngʼat mane okwale; an ema an kodgi.” Eka min mare nowachone niya, “Wuoda, mad Jehova Nyasaye gwedhi!”

Jong’ad Bura 3:3

Ogendinigo ne gin: ruodhi abich mag jo-Filistia, jo-Kanaan duto, jo-Sidon, kod jo-Hivi mane odak e gode mag Lebanon kochakore got Baal Hermon nyaka got Lebo Hamath.

1 Samuel 29:6

Omiyo Akish noluongo Daudi mowachone niya, “Akwongʼora gi nying Jehova Nyasaye mangima, ni isebedo ngʼat migeno kendo daher mondo ibed achiel kuom jolweny maga. Chakre chiengʼ mane ibiroe ira nyaka chil kawuono, pok aneno ketho moro kuomi, kata kamano jotend jo-Filistia ok oyie kodi.