Jong’ad Bura 16:29 - Motingʼo Loko Manyien

²⁹ Eka Samson nomako sirni ariyo mane ni e chuny hekalu mane osiro hekalu. Kosirogi moro ka moro, ka lwedo korachwich osiro achiel to lwedo koracham e machielo,

MUMA MALER 2015

²⁹ Eka nomako sirni ariyo madiere mosiro ot, mi nonyono piny matek, ka lwete ma korachwich ni kuom siro achiel, to ma koracham kuom siro machielo.

Jong’ad Bura 16:29 ပူးပေါင်းရင်းမြစ်များ

Jong’ad Bura 16:28

Eka Samson noywak ne Jehova Nyasaye niya, “Yaye Jehova Nyasaye Manyalo Gik Moko Duto, para! Yaye Nyasaye, duogna teko mana dichiel kende mondo achulgo kuor kuom jo-Filistia-gi kuom toko wengena ariyo oko.”

Jong’ad Bura 16:30

Samson nowacho niya, “Mad iyie atho gi jo-Filistia-gi!” Eka nodhiro sirnigo gi tekone duto, kendo hekalu norwombore piny kuom jotelo kod ji duto mane ni e iye. Omiyo nonego ji mangʼeny sa ma notho moloyo kane ongima.

1 Samuel 16:14

Roho mar Jehova Nyasaye noseweyo Saulo kendo Jehova Nyasaye nochiwo thuolo mondo roho marach othage.