Jong’ad Bura 16:27 - Motingʼo Loko Manyien

²⁷ Koro hekalu nopongʼ gi chwo kod mon; jotend jo-Filistia duto ne ni kanyo, kendo ne nitie chwo gi mon alufu adek mane ni ewi tado ka ngʼiyo Samson kamiel.

MUMA MALER 2015

²⁷ Noyudo ka chwo gi mon opong’o ot, kendo ruodhi duto mag jo-Filistia bende ne ni kanyo, kendo chwo gi mon alufu adek ne ni ewi tado. Giduto ne ging’iyo Samson katugo.

Jong’ad Bura 16:27 ပူးပေါင်းရင်းမြစ်များ

Rapar mar Chik 22:8

Ka igero ot manyien, to nyaka iriw ragengʼ molworo gama mondo kik ikel chwero remo e odi ka ngʼato olwar e tat odi.

2 Samuel 11:2

Odhiambo moro Daudi noa malo e kitandane mowuotho alwora mar wi tado mar ode ka en ewi tado noneno dhako moro kaluokore. To dhakono ne jaber ahinya,

Joshua 2:8

Kane jonon pinygo ne pok odhi nindo, dhakoni noidho modhi ewi tado,

Jong’ad Bura 9:51

Kata kamano, ei dala maduongʼno, ne nitie kama oger motegno motingʼore gi malo, kendo ji duto, chwo gi mon nodhi mopondo kanyo. Ne gilorore e iye mi giidho ewi kama oger motegnono.

Jong’ad Bura 16:26

Samson nowachone jatich mane omako lwete niya, “Keta ane kama anyalo muloe sirni mosiro hekaluni, mondo omi ayiengra kuomgi.”

Jong’ad Bura 16:28

Eka Samson noywak ne Jehova Nyasaye niya, “Yaye Jehova Nyasaye Manyalo Gik Moko Duto, para! Yaye Nyasaye, duogna teko mana dichiel kende mondo achulgo kuor kuom jo-Filistia-gi kuom toko wengena ariyo oko.”