Jong’ad Bura 16:21 - Motingʼo Loko Manyien

²¹ Bangʼe jo-Filistia nomake, mi gilodho wengene oko kendo ne gitere nyaka Gaza. Eka ne gitweye gi nyoroche mag mula, mi gikete jarego e od twech.

MUMA MALER 2015

²¹ Jo-Filistia nomake, motoko wang’e oko. Bang’e ne gitere Gaza, mi gitueye kuno gi tarege mag mula, kendo ne gikete jareg cham e od tuech.

Jong’ad Bura 16:21 ပူးပေါင်းရင်းမြစ်များ

2 Ruodhi 25:7

Neginego yawuot Zedekia e wangʼe koneno. Bangʼe negigolo wengene oko magitweye gi nyoroche mag nyinyo mi gitere Babulon.

2 Weche mag Ndalo 33:11

Omiyo Jehova Nyasaye nokelonigi jotend jolweny mag ruodh Asuria momako Manase otero e twech kotuch ume kod olowu kendo otweye kod rateke mag mula motere Babulon.

Zaburi 149:8

kendo gitwe ruodhigi gi nyoroche, kod jotendgi gi opingo mag chuma,

Wuok 11:5

Nyithindo duto makayo ma yawuowi mag Misri biro tho, kochakore gi wuod Farao makayo mobet e kom duongʼ nyaka wuod nyako ma jatich makayo ma jarego, kaachiel gi nyithind jamni mokwong nywol.

Ngeche 14:14

Joma onge yie ibiro mi pok moromo gi timbegi, to ngʼat maber bende pok moromo kode.

Ngeche 2:19

Onge ngʼato madhi ire maduogo kata yudo yor ngima.

Ngeche 5:22

Timbe mamono mag ngʼama jaricho obedone obadho mamake, tonde mag richone tweye matek.

Isaya 47:2

Kawuru nyiponge mondo ureg-go mogo; goluru leso ma uumogo wengeu. Ngʼwanuru lepu mondo ungʼadgo aore.

Jeremia 39:7

Eka nogolo wenge Zedekia oko kendo notweye gi rateke mag mula mondo notere Babulon.

Ywagruok 5:13

Jomatindo tiyo matek kuonde mag rego, to yawuowi chandore ka gitingʼo yien mapek.

Kwan 16:14

Kata kamano, pod ok ikelowa e piny mopongʼ gi chak kod mor kich kata miyowa girkeni mag puothe kod puothe mag mzabibu. Ubiro lodho wenge jogi oko? Ngangʼ, ok wanabi!”

Mathayo 24:41

Mon ariyo noyudi karego e pongʼ lwedo; achiel nokaw to machielo nowe.

Jong’ad Bura 16:20

Eka noluonge niya, “Samson, jo-Filistia osebiro mondo omonji!” Kane ochiewo to ne owacho e chunye niya, “Abiro wuok kaka pile mondo abed thuolo.” To ne ok ongʼeyo ni Jehova Nyasaye noseweye.

Jong’ad Bura 16:22

To bangʼe yie wiye nochako twi mos mos.