Jong’ad Bura 16:11 - Motingʼo Loko Manyien

¹¹ Nowachone niya, “Ka ngʼato otweya moridore gi tonde manyien mapok otiyo, to abiro bedo manyap machal gi ngʼato angʼata.”

MUMA MALER 2015

¹¹ Samson nodwoke niya, “Ka itueya gi tonde manyien ma pok otuechgo to anyalo bedo mana machalre gi ng’ato ang’ata.”

Jong’ad Bura 16:11 ပူးပေါင်းရင်းမြစ်များ

Ngeche 13:3

Ngʼatno morito dhoge orito ngimane, to ngʼatno ma wuoyo karodho wach biro dhiyo e kethruok.

Ngeche 13:5

Ngʼat makare mon kod gima ok adiera, to joricho kelo wichkuot kod dwanyruok.

Ngeche 29:25

Luoro mar dhano biro nyisore ni en gima duodo ngʼato, to ngʼat mogeno kuom Jehova Nyasaye orite maonge hinyruok.

Jo-Efeso 4:25

Emomiyo, ngʼato ka ngʼato kuomu nyaka we miriambo duto kendo wach adiera ne nyawadgi, nikech wan duto wan fuond ringruok achiel.

Jong’ad Bura 15:13

Negidwoke niya, “Wayie. Wabiro mana tweyi bangʼe wachiwi e lwetgi. Ok wananegi.” Omiyo ne gitweye gi tonde ariyo manyien ma gigole oko mar lwanda.

Jong’ad Bura 16:10

Eka Delila nowachone Samson niya, “Isekawa ngʼama ofuwo; ne iwuonda. Bi mondo koro inyisa kaka inyalo tweyi.”

Jong’ad Bura 16:12

Omiyo Delila nokawo tonde manyien mi otweyego. Kane osepando jomoko ei ot kanyo, noluonge kowacho niya, “Samson, jo-Filistia osebiro monji!” To nochodo tondego mana ka gima gin usi.