Jong’ad Bura 13:23 - Motingʼo Loko Manyien

²³ To chiege nodwoko niya, “Ka dipo ni Jehova Nyasaye ne nigi paro mar negowa, to dine ok oyie misango miwangʼo pep kod chiwo mar cham moa e lwetwa, kata nyisowa gigi duto kata nyisowa masani.”

MUMA MALER 2015

²³ To chiege nodwoke niya, “Ka da ni Ruoth Nyasaye dwaro negowa, to da ok oyie misangowa, kendo da ok onyisowa gigi duto, kata wachonwa gik mosewachonwagi.”

Jong’ad Bura 13:23 ပူးပေါင်းရင်းမြစ်များ

Zaburi 20:4

Mad omiyi gima chunyi gombo kendo omi chenro magi duto odhi maber.

Zaburi 25:14

Jehova Nyasaye en osiep joma miye luor; omiyo gingʼeyo singruok mage.

Zaburi 27:13

To an gi ratiro kuom wachni: ni pod abiro neno ber Jehova Nyasaye, e piny joma ngima.

Zaburi 86:17

Miyae ranyisi mar berni, mondo wasika one mi wigi okuodi, nimar in ema isebedo ka ikonya kendo ihoya, yaye Jehova Nyasaye.

Ngeche 3:32

Nimar Jehova Nyasaye ger gi jaricho to ogeno joma kare.

Johana 14:20

Odiechiengʼno unungʼe ni an ei Wuora; kendo ni un e iya, kendo an eiu.

Johana 14:23

Yesu nodwoke niya, “Ka ngʼato ohera to obiro rito puonjna, Wuora biro here, kendo wabiro biro ire mi walos kar dakwa kode.

Johana 15:15

Koro ok achak aluongu ni wasumbini nikech misumba ok ongʼeyo gima ruodhe timo; to aluongou ni osiepena nimar asenyisou gik moko duto mane apuonjora kuom Wuora.

1 Jo-Korintho 12:21

Kuom mano wangʼ ok nyal wachone lwedo niya, “Ok adwari!” Kata wich bende ok nyal wachone tielo niya, “Ok adwari.”

Jong’ad Bura 13:24

Dhakono nonywolo wuowi kendo nochake ni Samson. Nodongo kendo Jehova Nyasaye nogwedhe,