Jong’ad Bura 12:6 - Motingʼo Loko Manyien

⁶ to negiwachone ni mondo owach ni Shiboleth. To kane ok onyal luongo wachno maber, mi oluonge mana ni Siboleth, to negimake mi ginege e dho wath miyorogo aora Jordan. Jo-Efraim alufu piero angʼwen gariyo nonegi odiechiengno.

MUMA MALER 2015

⁶ Bang’ loyogi kamano, jo-Gilead nomako kuonde miyorogo aora Jordan, mondo jo-Efraim kik ng’adi. Noyudo ka nitie wach moro miluongo ni Shiboleth, ma jo-Efraim ok nyal hulo adimba. Omiyo kane ja-Efraim moro pondo, mi okwayo thuolo ka dokadhi, to jo-Gilead nopenje ka en ja-Efraim. Kane okwer, to ne gikone mondo owachi ni “Shiboleth.” To kane owacho ni, “Siboleth,” to gimake kendo ginege mana kanyono. E kindeno jo-Efraim alufu piero ang’wen gariyo notho.

Jong’ad Bura 12:6 ပူးပေါင်းရင်းမြစ်များ

Zaburi 69:15

Kik iwe ohula ywera mi tera kata kut mwonya duto, kata bur matut um dhoge ka an e iye.

Zaburi 69:2

Asechako nimo e chwodho matut, kama onge lowo motegno ma ngʼato nyalo chungʼie. Asechopo e chuny pi kama tut, kendo apaka olwora oketa diere.

Ngeche 17:14

Chako dhawo chalo gimuko yawo, emomiyo we wach kapok dhawo owuok.

Ngeche 18:19

Kiketho ne owadu to duoge iri tek mana kadonjo e dala maduongʼ mochiel motegno; to larruok chalo gi dhorangeye mag dala modin gi lodi.

Eklesiastes 10:12

Weche moa e dho ngʼat man-gi rieko nigi ngʼwono, to ngʼama ofuwo tiekore mana gi wechene owuon.

Isaya 27:12

E kindeno Jehova Nyasaye biro piedho joge kochakore Aora Yufrate nyaka aore mag Wadi mar Misri, to un, yaye jo-Israel nochoku achiel kaachiel.

Mathayo 12:25

Yesu nongʼeyo parogi mi nowachonegi niya, “Pinyruoth moro amora mopogore owuon nyaka kethre, kendo dala moro amora kata ot mantiere pogruok ok nyal chungʼ.

Mathayo 26:73

Bangʼ kinde matin, joma nochungʼ kanyo nodhi nyaka but Petro mowachone niya, “Ka iwacho adier, to in achiel kuomgi, nikech yo miwuoyogo huli e iro.”

Mariko 14:70

To Petro nochako okwer kendo. Bangʼ kinde matin joma nochungʼ machiegni nowacho ne Petro niya, “adier in achiel kuomgi, nimar in ja-Galili.”

Jo-Galatia 5:15

To ka ukaru kendo ukidhoru kendu mana ka ondiegi, to tangʼuru, nono to ubiro tiekoru.

Jong’ad Bura 12:5

Jo-Gilead nomako kuonde miyorogo Jordan mondo jo-Efraim kik ngʼadi. Sa moro amora mane ja-Efraim dwaro ngʼado kanyo to ne okwayo ni yiene okadhi odhi loka cha. To kane okwayo kamano; to ja-Gilead ne penje ka bende en ja-Efraim. To kane odwoko ni ok en ja-Efraim,

Jong’ad Bura 12:7

Jeftha notelo ne jo-Israel kuom higni auchiel. Bangʼe Jeftha ma ja-Gilead notho, mi noyike e dalane man Gilead.