Jong’ad Bura 12:1 - Motingʼo Loko Manyien

¹ Jo-Efraim nochoko jolweny mage, ma gidhi Zafon kendo giwachone Jeftha niya, “Angʼo ma omiyo ne idhi kedo gi jo-Amon ma ok iluongowa mondo wadhi kodi? Wadhi wangʼo odi ka in e iye.”

MUMA MALER 2015

¹ Jo-Efraim nochoko jogi mag lweny, mi ging’ado aora Jordan nyaka Zafon. Ne giwacho ni Jeftha niya, “Ere gima omiyo ne idhi kedo gi jo-Amon, to ok iluongowa mondo wadhi kodi? Wabiro wang’i gi mach e odi!”

Jong’ad Bura 12:1 ပူးပေါင်းရင်းမြစ်များ

Zaburi 109:4

An aherogi to gin to gimon koda. Gitimona kamano kata obedo ni an to alemonegi.

Eklesiastes 4:4

Kendo ne aneno ni tich matek duto kod ohala ma ngʼato yudo kuom tije timore mana nikech nyiego ma ngʼato nigo mar loyo nyawadgi. Ma bende onge tiende, ochalo gi lawo bangʼ yamo.

Hosea 13:1

Kane Efraim owuoyo, to ji ne tetni, nodhiale e piny Israel. To notimo richo kuom lamo Baal, mi notho.

Mariko 3:24

Ka pinyruoth moro opogore kendo joge gore kendgi to pinyruodhno ok nyal chungʼ.

Johana 10:32

to Yesu nowachonegi niya, “Asenyisou honni madongo mangʼeny moa ka Wuora. Kuom honnigi duto, en mane kuomgi ma udwaro chielane gi kite?”

Jakobo 3:16

Nikech kama nyiego gi piem nitie e kama koko gi timbe maricho duto nitie.

Jong’ad Bura 11:40

higa ka higa mon matindo mag Israel nyaka dhi e got kuom ndalo angʼwen mondo otim rapar mar nyar Jeftha ma ja-Gilead.

Jong’ad Bura 12:2

Jeftha nodwoko niya, An kod joga ne wanie kedo mager gi jo-Amon, ne waluongou to ne utamoru biro resowa e lwetgi.

Jong’ad Bura 14:15

E odiechiengʼ mar angʼwen, neginyiso chi Samson niya, “Hoo chwori mondo onyiswa tiend ngerono, ka ok kamano, to wabiro wangʼi kaachiel gi od wuonu duto nyaka utho. Ne iluongowa kae mondo imawa?”

Jong’ad Bura 15:6

Kane jo-Filistia openje niya, “En ngʼa motimo ma?” To nodwokgi niya, “En Samson, ma or ja-Timna, nikech chiege nomaye momi osiepne.” Omiyo jo-Filistia nodhi mowangʼo dhakono gi wuon-gi mi githo.

Jong’ad Bura 8:1

Jo-Efraim nopenjo Gideon niya, “Angʼo ma omiyo isetimonwa kama? Angʼo ma notami luongowa kane idhi kedo gi jo-Midian?” Omiyo negidhawo kode matek.