Jong’ad Bura 1:16 - Motingʼo Loko Manyien

¹⁶ Nyikwa jo-Keni ma jaduongʼ Musa, nodhi koa e Dala Maduongʼ mar Jeriko ka en gi jo-Juda mondo gidag e dier jogo mantiere e thim mar Juda man Negev but Arad.

MUMA MALER 2015

¹⁶ Nyikwa ja-Keni ma jaduong’ Musa ne jowuok kaachiel gi jo-Juda e Dala mar Othidhe, mi gidhi e thim Juda ma yo milambo mar Arad, kendo ne gidak gi jo-Amalek kuno.

Jong’ad Bura 1:16 ပူးပေါင်းရင်းမြစ်များ

1 Weche mag Ndalo 2:15

mar auchiel Ozem, to mar abiriyo Daudi.

1 Weche mag Ndalo 2:55

kod anywola mar jondiko mane odak Jabez: jo-Tira, jo-Shimea kod jo-Suka. Magi ne jo-Keni mane owuok e anywola mar Hamath, ma wuon jo-Rekab.

2 Weche mag Ndalo 28:16

E kindeno ruoth Ahaz nokwayo ruodh Asuria mondo okonye.

Wuok 18:1

Koro Jethro, jadolo mar Midian kendo jaduongʼ Musa, nowinjo gik moko duto mane Nyasaye osetimo ni Musa, kaachiel gi joge ma jo-Israel, bende kaka Jehova Nyasaye nosegolo jo-Israel kawuok e piny Misri.

Wuok 18:12

Eka Jethro, jaduongʼ Musa, nokelo misango miwangʼo pep kod misengni mamoko bende ne Nyasaye, kendo Harun nobiro kod jodongo duto mag jo-Israel mondo gichiem gi jaduongʼ Musa e nyim Nyasaye.

Wuok 18:27

Eka Musa nokowo jaduongʼne e yo kendo Jethro nodok e pinygi.

Wuok 18:7

Kuom mano Musa nowuok mondo orom ni jaduongʼne mi nokulore piny kendo onyodhe. Ne gimosore eka bangʼe gidonjo ei hema.

Wuok 3:1

Chiengʼ moro Musa ne kwayo jamb Jethro jaduongʼne ma Jadolo mar jo-Midian, mi nongʼado thim gi jamni nyaka Horeb got mar Nyasaye.

Wuok 4:18

Eka Musa nodok ir Jethro jaduongʼne mowachone niya “Yie iweya adog Misri ir joga mondo ane kapo ni nitie moro kuomgi ma pod ngima.” Jethro nodwoke niya, “Dhiyo kendo ibed gi gweth.”

Jeremia 35:2

“Dhiyo ir anywola mar Rekab kendo igwelgi mondo gibi e achiel kuom agola mar od Jehova Nyasaye kendo imigi divai gimadhi.”

Kwan 21:1

Kane ruodh Arad ma ja-Kanaan, mane odak Negev, nowinjo ni Israel ne wuotho e yo kochiko Atharim, nomonjo jo-Israel mi omako moko.

Mathayo 3:1

E ndalogo Johana ja-Batiso nobiro, koyalo e thim mar Judea,

Rapar mar Chik 34:3

piny mar Negev kod paw Holo mar Jeriko miluongo ni Dala Maduongʼ mar Othidhe nyaka Zoar.

Rapar mar Chik 34:4

Eka Jehova Nyasaye nowachone niya, “Ma e piny mane asingora ka akwongʼora ne Ibrahim, Isaka kod Jakobo kane awachonegi ni, ‘Pinyni anami nyikwau.’ Aseyie mondo ine pinyni gi wangʼi, to kata kamano ok iningʼad loka midonjie.”

Joshua 12:14

Ruodh Horma, ngʼato achiel, Ruodh Arad, ngʼato achiel,

Joshua 18:21

Mier madongo mane dhood Benjamin nitierego kaluwore gi anywolagi e magi: Jeriko, Beth Hogla, Emek Keziz,

Jong’ad Bura 1:15

Nodwoko niya, “Timna ngʼwono makende. Nimar isemiya puodho man Negev, miya bende thidhna mar pi.” Omiyo Kaleb nomiye thidhna ma malo kod mamwalo.

Jong’ad Bura 3:13

Eglon kaachiel gi jo-Amon kod jo-Amalek, nobiro momonjo jo-Israel, mi gikawo Dala Maduongʼ mar Jeriko.

Jong’ad Bura 4:11

Koro Heber ja-Keni noseweyo jo-Keni ma nyikwa Hobab, ma en or Musa, kendo oguro hembe machiegni gi yien maduongʼ man Zananim but Kedesh.

Jong’ad Bura 4:17

Kata kamano, Sisera, noringo nyaka e hemb Jael, ma chi Heber ja-Keni, nikech ne nitie osiep e kind Jabin ruodh Hazor kod anywola Heber ja-Keni.

1 Samuel 15:6

Eka nowachone jo-Keni niya, “Auru ka udhi mondo uwe jo-Amalek nikech ok adwar tiekou kodgi; nikech un ne utimo ngʼwono ni jo-Israel e kinde mane gia Misri.” Omiyo jo-Keni nowuok moweyo jo-Amalek.

1 Samuel 27:10

Kane Akish openje niya, “Tinde ne idhi monjo kanye?” Daudi to ne jawacho niya, “Aa monjo Negev e piny Juda, kata ni Negev mar Jeramel kata ni Negev mar jo-Keni.”

1 Samuel 30:29

gi Rakal; gi jogo mane ni e mier matindo mag jo-Jeramel gi jo-Keni,