Jona 3:3 - Motingʼo Loko Manyien

³ Jona notimo kaka Jehova Nyasaye nowacho modhiyo Nineve. To Nineve ne en dala maduongʼ kendo mogen ma limbene ne dwaro wuoth ndalo adek eka itiek iye duto.

MUMA MALER 2015

³ Kamano Jona nowuok modhi Nineve kaka Ruoth Nyasaye nochike. To Nineve ne en dala maduong’ gilala, moromo wuodh ndalo adek, kia tung’e koni nyaka kocha.

Jona 3:3 ပူးပေါင်းရင်းမြစ်များ

Chakruok 22:3

Kinyne gokinyi mangʼich Ibrahim noa malo kendo noiko pundane ne wuoth. Nodhi kod jotijene ariyo kaachiel gi Isaka wuode. Kane osengʼado yien moromo tiyogo e misango miwangʼo pep, nochako wuoth madhi kamane Nyasaye osenyise.

Chakruok 30:8

Eka Rael nowacho niya, “Asebedo gi chandruok maduongʼ gi nyamera, kendo koro aseloyo.” Omiyo nochako nyathini ni Naftali.

Zaburi 36:6

Timni makare chalo gi gode madongo, ratiro mari chalo gi kut matut. Yaye Jehova Nyasaye, in ema irito ngima dhano gi le.

Zaburi 80:10

Tipo Nyasaye noimo gode duto, mana ka yiende sida ma odongo ma bedene olak.

Isaya 37:37

Omiyo Senakerib ruodh Asuria noweyo lweny moloro kambi kendo nodok Nineve kuma nodakie.

Jona 1:2

“Wuogi idhiyo e dala maduongʼ mar Nineve, mondo iyalne kisieme nikech timbene mamono osechopo e nyima.”

Jona 4:11

To an donge dakech Nineve dala maduongʼ man kod ji alufu mia achiel kod piero ariyo ma ok nyal pogo lwetgi ma korachwich gi ma koracham kaachiel kod jambgi mangʼeny?”

2 Timotheo 4:11

Luka kende ema ni koda ka. Kaw Mariko mondo ibigo ira, nikech okonya maber e kuom lando Injili.