Jona 2:6 - Motingʼo Loko Manyien

⁶ Nalutora nyaka e tiend gode mag nam kendo piny nouma chuth nyaka chiengʼ. To nigola oko kangima e bur matut, yaye Jehova Nyasaye, ma Nyasacha.

MUMA MALER 2015

⁶ Nadhi piny e tiend gode, mi buya mag nam nogajore e wiya. A Ruoth Nyasaye ma Nyasacha, nanimo e piny moro ma dhorangeyene olor nyaka chieng’. To kata kamano nigola e bur kangima.

Jona 2:6 ပူးပေါင်းရင်းမြစ်များ

Ayub 33:24

mi ngʼwon-ne kowacho ni, ‘Weyeuru kik utere e kar tho, nikech oseyudo yor resruok.’

Ayub 33:28

Ne oreso ngimana mondo kik adhi e piny joma otho, omiyo koro abiro medo bedo mangima, mi ane ler.

Zaburi 104:6

Ne iume gi kut mana kaka nanga mi pige obiwore moyombo gode.

Zaburi 104:8

ne gimol ewi gode, ka giridore gidhi e holni, kuonde mane ochan-negi.

Zaburi 116:3

Tonde mag tho norida, lit mar liel nochopona, kendo chandruok gi chuny lit noloya.

Zaburi 143:7

Dwoka piyo, yaye Jehova Nyasaye, nimar chunya ool. Kik ipandna wangʼi nono to dipoka achalo gi joma ridore e bur matut.

Zaburi 16:10

nikech ok inijwangʼa ei liel, to bende ok niyie Ngʼati Maler tow.

Zaburi 18:5

Tonde mag liel ne orida kendo odhoga matek; obadho mag tho ne ochoma tir.

Zaburi 30:3

Yaye Jehova Nyasaye, ne igola oko e liel, ne iresa kane oyudo aridora piny e bur matut mar joma otho.

Zaburi 30:9

“Ere ohala ma thona biro kelo, ere gima dhina e liel biro konyigo? Buru bende nyalo paki adier? Bende dohul adierani kasetho?

Zaburi 55:23

To in, yaye Nyasaye, ibiro dwoko joma timbegi richo piny nyaka ei bur ma gitow; joma joricho machwero remo ok bi bet mangima kata moromo nus ndalogi. An to ageno kuomi.

Zaburi 65:6

in mane iloso gode gi tekoni iwuon kane imanori gi teko,

Zaburi 69:2

Asechako nimo e chwodho matut, kama onge lowo motegno ma ngʼato nyalo chungʼie. Asechopo e chuny pi kama tut, kendo apaka olwora oketa diere.

Isaya 38:10

Ne apenjora niya, “E ndalo mag ber mar ngimana, bende onego bed ni akalo e rangeye mag tho kendo hikena modongʼ duto gol kuoma?”

Isaya 38:17

Chutho chandruok duto maseyudo okelona mana kony. Nikech herani mogundho iseresa e kethruok; bende isewito richona duto kadiengʼeyi.

Isaya 40:12

En ngʼa mosepimo pi e chuny lwete kata mana pimo lach mar polo gi lwete? En ngʼa ma osechoko buru manie piny e atonga, kata pimo gode madongo gi matindo e rapim?

Ezekiel 26:20

abiro teri e piny joma otho, mondo idag kuno gi joma nosetho chon. Abiro miyo idagi e piny manie bwo lowono, kibudho e bur matut e kind gik machon mokethore mi ok inichak iduog e piny joma ngima.

Ezekiel 31:14

Kuom mano, onge yath moro kata bed ni oyudo pi mangʼeny manade manochak odong mabor ma wiye chop e polo kamano. Giduto nyaka githo mana kaka dhano tho mi gidhi e piny joma otho.

Habakuk 3:10

gode ne oneni ma otetni giluoro; oula nomwomo karidore. Kude matut bende mor matek; apaka ne tingʼore malo.

Habakuk 3:6

Ne ochungʼ kendo noyiengo piny, ne ongʼicho mi ogendini otetni. Gode machon nomukore kendo gode matindo manyaka nene bende nopodho. Yorene osiko manyaka chiengʼ.

Mathayo 16:18

Kendo anyisi ni in Petro, kendo e lwandani ema abiro gere kanisana, kendo dhorangeye mag Gehena (tiende ni teko mar tho) ok noloye ngangʼ.

Rapar mar Chik 32:22

Mach osemoki gi mirimba, en mach mawangʼo nyaka kuonde joma otho e bwo lowo. Obiro ketho piny kod nyakne duto kendo ka omoko mach nyaka e konde mag gode.