Jona 1:7 - Motingʼo Loko Manyien

⁷ Eka jokwangʼ duto nowuoyo e kindgi giwegi niya, “Bi wagouru ombulu mondo wangʼe ngʼama okelo masirani.” Negigoyo ombulu, mi ombulu nolwar kuom Jona.

MUMA MALER 2015

⁷ Jokwang’ nowacho e kindgi giwegi niya, “Biuru wago ombulu, mondo wang’ego ni ng’ano mokelonwa hawi marachni.” Kamano ne gigoyo ombulu, mi ombulu nolwar mana kuom Jona.

Jona 1:7 ပူးပေါင်းရင်းမြစ်များ

Esta 3:7

E higa mar apar gariyo mar ruoth Ahasuerus, e dwe mokwongo, miluongo ni Nisan negigoyo ombulu (miluongo ni pur) e nyim Haman mondo giyier odiechiengʼ gi dwe. To ombulu nolwar e dwe mar apar gariyo dwe miluongo ni Adar.

Ayub 10:2

Abiro wachone Nyasaye niya: Kik ikuma, to nyisa rachna momiyo ikwana kaka jaketho.

Zaburi 22:18

Ne gipogore lepa e kindgi giwegi kendo gigoyo ombulu ne nangana.

Ngeche 16:33

Igoyo ombulu mondo ongʼe gima ditim, to kuom ngʼado weche duto Jehova Nyasaye ema tieko.

Kwan 32:23

“To ka ok utimo kamano, to ubiro timo richo e nyim Jehova Nyasaye; kendo bed ka ungʼeyo ni richou nofwenyre e lela.

Mathayo 27:35

Kane gisegure, to ne gipogore lepe ka gigoyo ombulu.

Tich Joote 13:19

Nokedo gi pinje abiriyo mag jo-Kanaan moloyogi, mi opogo lopgi ni joge kaka girkeni.

1 Jo-Korintho 4:5

Kuom mano kik ungʼad bura kapok kinde ochopo, to rituru biro mar Ruoth. En owuon noel e lela gik masani opondo e mudho, kendo enonyis paro duto mopondo e chuny dhano. E kindeno ema ngʼato ka ngʼato noyud pak moa kuom Nyasaye.

Joshua 7:10

Jehova Nyasaye nowacho ni Joshua niya, “Chungʼ malo! Angʼo ma ikulone wiyi piny ka?