Johana 6:28 - Motingʼo Loko Manyien

²⁸ Eka negipenje niya, “Angʼo mowinjore watim eka wati tije ma Nyasaye dwaro?”

MUMA MALER 2015

²⁸ Eka ne gipenje ni, “Ang’o monego watim, eka wabed joma tiyo tich Nyasaye?”

Johana 6:28 ပူးပေါင်းရင်းမြစ်များ

Jeremia 42:20

ni ne uketho ketho malich kane uora ir Jehova Nyasaye ma Nyasachu kendo uwacho ni, ‘Lamnwa Jehova Nyasaye ma Nyasachwa; nyiswa gik moko duto mowacho kendo wanatim kamano.’

Mathayo 19:16

Eka ngʼat moro nobiro ir Yesu mopenje niya, “Japuonj, en angʼo maber monego atim mondo eka ayud ngima mochwere?”

Luka 10:25

Chiengʼ moro achiel, ngʼat moro molony e chik nochungʼ mondo otem Yesu, nopenjo niya, “Japuonj, en angʼo monego atim eka ayud ngima mochwere kaka girkeni mara?”

Johana 6:27

Weuru tiyo ni chiemo marumo, to tiuru ni chiemo masiko nyaka chop uyud ngima mochwere, ma Wuod Dhano biro miyou. Nyasaye Wuoro oseketo kido mare kuome manyiso ni oyie kode.”

Johana 6:29

Yesu nodwokogi niya, “Tich ma Nyasaye dwaro en ni mondo uyie kuom Jal moseoro.”

Tich Joote 16:30

Bangʼe nogologi oko eka openjogi niya, “Jodongo, atim angʼo mondo owara?”

Tich Joote 2:37

Kane ji owinjo wachno, chunygi nongʼadonigi bura, mine giwachone Petro kod joote mamoko niya, “Owetewa, en angʼo ma dwatim?”

Tich Joote 9:6

Koro aa malo idhi Damaski kendo ibiro nyisi gima nyaka itim.”

Rapar mar Chik 5:27

Dhi machiegni mondo iwinji gik moko duto ma Jehova Nyasaye ma Nyasachwa wacho. Eka iwachnwa gik moko duto ma Jehova Nyasaye ma Nyasachwa owachoni, wabiro winjo kendo timo.”