Johana 4:41 - Motingʼo Loko Manyien

⁴¹ Omiyo ji mangʼeny moko bende noyie kuom Yesu nikech weche mane owachonegi.

MUMA MALER 2015

⁴¹ Ji mang’eny moko bende koro noyie, ka giwinjo weche mane Yesu wacho owuon.

Johana 4:41 ပူးပေါင်းရင်းမြစ်များ

Chakruok 49:10

Ludh duongʼ ok noa e lwet Juda kata odunga mar teko ok noa e tiende, nyaka wuon loch ma biro rito ogendini duto chopi kendo luor mar ogendini nobed kuome.

Luka 4:32

Negiwuoro puonjne, nikech wechene ne nigi teko.

Johana 4:40

Kuom mano, ka jo-Samaria nobiro ir Yesu, negisaye mondo omed bet kodgi, mi nobet kodgi kuom ndalo ariyo.

Johana 4:42

Negiwachone dhakono niya, “Koro wayie, ok nikech weche mane iwacho kende; to wasewinje gi itwa wawegi, kendo wangʼeyo gadier ni jalni en Jawar mar piny.”

Johana 6:63

Roho ema chiwo ngima; to dhano ok nyal gimoro. Weche ma asewachonu gin mag Roho kod ngima.

Johana 7:46

Askeche nodwoko niya, “Onge ngʼama osewuoyo kaka ngʼatni nyaka nene.”

Tich Joote 1:8

To ubiro yudo teko ka Roho Maler obiro kuomu; kendo unubed joneno maga ei Jerusalem kendo ei Judea duto gi Samaria, kod tungʼ piny gi tungʼ piny.”

Tich Joote 15:3

Kanisa nokowogi, kendo kane oyudo gidhi, ka gikadho e dier Foinike kod Samaria, neginyiso ji kaka joma ok jo-Yahudi bende ne yudo warruok. Wachno nomiyo owete odoko mamor.

Tich Joote 8:12

To kane Filipo oyalo ne jogo Injili mar pinyruoth Nyasaye, kod nying Yesu Kristo, ne giyie, mi giyudo batiso giduto, chwo gi mon.

Tich Joote 8:25

Kane gisetimo neno kendo yalo wach Ruoth, Petro gi Johana nodok Jerusalem, ka giyalo Injili e miech Samaria mangʼeny.

Jo-Hibrania 4:13

Onge gimoro kata achiel, kuom gik moko duto mane Nyasaye ochweyo, mopondone. Gik moko duto oyawore kendo oelore e nyim tong wangʼ Jal ma wan duto, ngʼato ka ngʼato, nyaka wabi wachungʼ e nyime kwahulo gik moko duto ma wasetimo.