Johana 3:26 - Motingʼo Loko Manyien

²⁶ Negibiro ir Johana mi giwachone niya, “Rabi, jal manyocha ni kodi loka Jordan, ma en Jal mane iwuoyo kuome cha, parie ni en bende tinde obatiso ji, kendo ji duto dhi ire.”

MUMA MALER 2015

²⁶ Kuom mano, ne gidhi ir Johana, mi giwachone ni, “Japuonj! Ng’at mane ni kodi loka aora Jordan, kendo mane iwuoyo kuome cha, koro batiso ji, kendo ji duto dhi ire.”

Johana 3:26 ပူးပေါင်းရင်းမြစ်များ

Zaburi 65:2

Yaye in miwinjo lamo, in ema ji duto biro biro iri.

Eklesiastes 4:4

Kendo ne aneno ni tich matek duto kod ohala ma ngʼato yudo kuom tije timore mana nikech nyiego ma ngʼato nigo mar loyo nyawadgi. Ma bende onge tiende, ochalo gi lawo bangʼ yamo.

Isaya 45:23

Asesingora an awuon, kendo dhoga osewacho gi ratiro duto wach ma ok bi kethi ni: Ji duto nogo chong-gi piny e nyima; kendo ngʼato ka ngʼato nosingre gi nyinga.

Mathayo 23:7

Gihero bende mondo omosgi e chirni, kendo mondo ji oluong-gi ni, ‘Rabi.’

Mathayo 23:8

“To un kik uyie oluongu ni, ‘Rabi,’ nimar un gi Ruoth achiel kende, to un duto un owete.

Johana 1:15

Johana notimo neno kuome. Nokok matek kowacho niya, “Ma e Jal mane awuoyo kuome kane awachonu ni, ‘Jal mabiro bangʼa oloya mabor nikech ne entie kapok ne abetie.’ ”

Johana 1:7

Nobiro kaka janeno mondo otim nend lerno, mondo kanyalore to ji duto oyie kuom lerno.

Johana 1:9

Ler mar adier machiwo ler ni ji duto noyudo biro e piny e kindeno.

Johana 11:48

Ka waweye odhi nyime kama, to ji duto biro yie kuome, kendo kamano otimore to jo-Rumi biro biro mi kaw karwa ka, kaachiel gi pinywa bende.”

Johana 12:19

Kuom mano, jo-Farisai nowacho e kindgi ngʼato gi ngʼato niya, “Uneno ka wachni e muomowa. Neyeuru kaka piny duto osewuok luwo bangʼe!”

Johana 3:2

Nikodemo nobiro ir Yesu gotieno mowachone niya, “Rabi, wangʼeyo ni in japuonj moa ka Nyasaye, nimar onge ngʼama nyalo timo ranyisi mag honni mitimogi ka Nyasaye ok ni kode.”

Johana 4:1

Jo-Farisai nowinjo ni joma Yesu ne oseloko obedo jopuonjre, kendo obatiso ne ngʼeny moloyo jopuonjre Johana,

Johana 4:2

kata obedo ni Yesu owuon ne ok batiso ji, to jopuonjrene ema ne timo kamano.

Johana 4:31

To e sechego jopuonjrene nosiko kajiwe niya, “Rabi, chamie gimoro.”

Johana 5:33

“Ne uoro joote ne Johana kendo osetimo neno kuom adiera.