Johana 20:5 - Motingʼo Loko Manyien

⁵ Nokulore mongʼicho, kendo noneno lewni mayom molir olir kod law ik ma nonalgo wi Yesu kani ei bur kanyo. To kata kamano, ne ok odonjo e iye.

MUMA MALER 2015

⁵ Nolung’ore, moneno nanga mane obogo Yesu ka ni piny kanyo, to ne ok odonjo ei liel.

Johana 20:5 ပူးပေါင်းရင်းမြစ်များ

Johana 11:44

Mi ngʼama nothono nowuok oko, ka bedene gi tiendene onal gi lewni molir olir, kendo ka lela wangʼe bende otwe gi nanga alwora. Yesu nowachonegi niya, “Gonyuru lep liel oko kuome mondo uweye odhi.”

Johana 19:40

Negikawo ringre Yesu mi giwiro gi modhigo bangʼe giboye gi lewni marep-rep molir olir, kaka chik jo-Yahudi mar yiko ngʼato dwaro.

Johana 20:11

Maria nochungʼ oko e dho bur kaywak. Kane oyudo oywak, nokulore mongʼiyo i bur,

Johana 20:4

Negiringo giduto, to japuonjre machielono noyombo Petro, mi nokuongone chopo e liel.

Johana 20:6

Eka Simon Petro, mane ringo bangʼe bende notundo. En to nodonjo nyaka ei bur ik, mi noneno lewni mayom molir olir ka ni kanyo,