Johana 18:25 - Motingʼo Loko Manyien

²⁵ Kane oyudo Simon Petro pod ochungʼ oyo mach, negipenje niya, “Idagi ni ok in achiel kuom jopuonjrene, koso iyie?” Nodagi kowacho niya, “Ooyo, ok an.”

MUMA MALER 2015

²⁵ To Simon Petro ne pod ochung’ e laru kanyo, kaoyo mach. Omiyo jomoko mane ni kanyo nopenje niya, “Donge in achiel kuom jopuonjre ng’atni?” To Petro nokwer ni, “Ooyo, ok an.”

Johana 18:25 ပူးပေါင်းရင်းမြစ်များ

Chakruok 18:15

Omiyo Sara noluor mokwer niya, “Ne ok anyiero.” To kata kamano Jehova Nyasaye nowachone niya, “En adier ni ninyiero.”

Ngeche 29:25

Luoro mar dhano biro nyisore ni en gima duodo ngʼato, to ngʼat mogeno kuom Jehova Nyasaye orite maonge hinyruok.

Mathayo 26:69

Sa ma noyudo Petro obet oko e laru, jatich ma nyako moro nobiro ire mowachone niya, “In bende ne in gi Yesu ja-Galili.”

Mariko 14:66

Kane oyudo Petro obet oko e laru, achiel kuom nyiri matiyone jadolo maduongʼ nobiro machiegni.

Luka 22:55

To kane gisemoko mach e chuny laru kendo gisebedo piny kaachiel, Petro nobedo kodgi.

Luka 22:56

Jatich ma nyako nonene kobedo kanyo kama mach lielie. Nodhi machiegni kode morange matut kendo nowacho niya, “Ngʼatni ne ni kode.”

Luka 22:57

To nokwerogo, kowacho niya, “Dhako, ok angʼeye!”