Johana 14:1 - Motingʼo Loko Manyien

¹ “Kik uwe chunyu chandre. Yieuru kuom Nyasaye, to An bende yieuru kuoma.

MUMA MALER 2015

¹ Bang’ mano Yesu nowachonigi niya, “Kik chunyu parre. Yieuru kuom Nyasaye, to kuoma bende yieuru.

Johana 14:1 ပူးပေါင်းရင်းမြစ်များ

Zaburi 43:5

Angʼo momiyo ikuyo, yaye chunya? Angʼo momiyo inyosori, yaye chunya? Ket genoni kuom Nyasaye, nikech pod abiro pake, en e Jawarna kendo Nyasacha.

Zaburi 77:10

Eka naparo niya, “Ma e kama abiro kwayoe kony: higni ma lwet Nyasaye Man Malo Moloyo ma korachwich osetieko.

Isaya 26:3

Inirit gi kwe ngʼatno ma parone oriere tir, nikech ogeno kuomi.

Jeremia 8:18

Yaye Jahochna e lit, chunya ool.

Johana 11:33

Kane Yesu onene koywak, kendo ka jo-Yahudi mane gibirogo ire bende ne ywak, chunye nodoko malit kendo nochandore.

Johana 12:27

“Koro chunya chandore, to en angʼo ma dawachi? Dawach ni, ‘Wuora, resa e sa machalo kama?’ Ooyo, ok onyal timo kamano nikech ma e gima omiyo ne abiro e kindeni.

Johana 12:44

Eka Yesu nokok matek kawacho niya, “Ka ngʼato oyie kuoma, to an ok ema oyie kuoma kenda, to oyie kuom Jal mane oora bende.

Johana 13:19

“Koro anyisou wachni chon kapok otimore mondo kotimore, to ubiro yie ni An e Kristo.

Johana 16:24

Nyaka sani pok ukwayo gimoro amora e nyinga. Kwauru to nomiu, eka nubed mamor chuth.

Johana 16:3

Ginitim kamano nikech ok gingʼeyo Wuora kata An.

Johana 16:6

Nikech gik ma asewachonu, omiyo un gi kuyo.

Johana 5:23

mondo ji duto omi Wuowi duongʼ mana kaka gimiyo Wuoro duongʼ. Ngʼat ma ok mi Wuowi duongʼ ok mi Wuoro mane ooro Wuowino duongʼ.

Johana 6:40

Adier, Wuora dwaro ni mondo ji duto mogeno kuom Wuowi, kendo moyie kuome mondo obed gi ngima mochwere, kendo ochiergi chiengʼ giko piny.”

2 Jo-Korintho 2:7

Sani koro nyaka uwene richone kendo uhoye, mondo kik kuyo mareno nege.

Jo-Efeso 1:15

Mano emomiyo, nyaka ne awinj wach yie ma un-go kuom Ruoth Yesu kendo kuom hera ma uherogo joma oyie duto,

2 Jo-Thesalonika 2:2

wakwayou mondo kik uparru kendo kik chunyu chandre ni weche mokor, kata weche mokelnu, kata baruwa moro miwacho ni oa irwa, mawacho ni odiechiengʼ mar Ruoth osechopo.

1 Petro 1:21

Nikech En, koro uyie kuom Nyasaye, mane ochiere oa kuom joma otho mi omiye duongʼ mondo yie maru kod geno maru obed kuom Nyasaye.