Johana 12:24 - Motingʼo Loko Manyien

²⁴ Awachonu adier ni ka koth cham ok oiki e lowo motho, to osiko mana kodhi achiel kende. To ka otho, to onywolo kothe mangʼeny.

MUMA MALER 2015

²⁴ Adier, adier, awachonu ni ka koth cham ok olwar e lowo, mi otho, to osiko mana kodhi achiel kende. To ka otho, to onyago kodhi mang’eny.

Johana 12:24 ပူးပေါင်းရင်းမြစ်များ

Ayub 14:8

Kata obedo ni tiendene towo kendo miyo osikene tho,

Zaburi 22:15

Tekona osetwo ka balatago, kendo lewa omoko e danda; isepiela e lop tho.

Zaburi 72:16

Mad cham bed mangʼeny e piny duto, bende gikwak nyaka wi godo matindo duto. Mad olembene ol mathoth ka Lebanon, kendo mad onyagi ka lum manie pap.

Isaya 28:28

Ngano nyaka regi mondo olos makati; omiyo ok dine amingʼa. Kata obedo ni oywayo gache mar dino kuome, to faresene ok rege.

Jo-Rumi 14:9

Ma emomiyo Kristo notho mochako odoko mangima kendo mondo obed Ruodh joma ngima gi joma otho duto kaachiel.