Johana 11:53 - Motingʼo Loko Manyien

⁵³ Omiyo chakre chiengʼno kadhi nyime negichano kaka ginyalo nego Yesu.

MUMA MALER 2015

⁵³ Chakre chieng’no ne gichako chano kaka digineg Yesu.

Johana 11:53 ပူးပေါင်းရင်းမြစ်များ

Chakruok 37:18

To ne ginene kapod en mabor, kendo kane pok ochopo irgi, negichano mondo ginege.

Nehemia 13:21

To ne asiemogi kawacho niya, “Angʼo momiyo unindo oko machiegni gi ohinga?” Ka uchako utimo ma, to abiro makou. Chakre godiechiengno ne ok gichako gidwogo chiengʼ Sabato.

Nehemia 4:16

Kochakore e odiechiengno, nus mar joga notiyo tijno, to nus modongʼ nomanore gi tongʼ, okumba, atungʼ kod gige lweny mag akor. Jotelo nochungʼ e tok jo-Juda duto

Zaburi 113:2

Nying Jehova Nyasaye mondo opaki, sani kendo nyaka chiengʼ.

Zaburi 2:2

Ruodhi mag piny osebiro kanyakla kendo jotelo pimo wach kaachiel, mondo giked gi Jehova Nyasaye kendo giked gi ngʼate mowir.

Zaburi 31:13

Nikech awinjo ayany mangʼeny ma ji yanyago, kihondko olwora koni gi koni; gikuodho kaka digitimna marach kendo gichano mar kawo ngimana.

Zaburi 71:10

Nimar wasika wuoyo marach kuoma; jogo marita mondo onega loso wach kaachiel.

Jeremia 38:15

Jeremia nowachone Zedekia niya, “Ka adwoki, donge ibiro nega? Kata ka anangʼadni rieko, bende iniwinja.”

Jeremia 38:4

Eka jotelo nowachone ruoth niya, “Ngʼatni onego negi. Onyoso chuny jolweny modongʼ e dala maduongʼ ni, kaachiel gi ji duto, gi gigo mowachonegi. Ngʼatni ok dwar dhi maber mar jogi to mana kethruokgi.”

Mathayo 12:14

To jo-Farisai nowuok modhi kendo negichako chano kaka digineg Yesu.

Mathayo 16:21

Chakre kindeno kadhi nyime Yesu nochako nyiso jopuonjrene ni ne ochuno ni nyaka odhi Jerusalem kendo osandre e yore mangʼeny e lwet jodong oganda gi jodolo madongo kod jopuonj chik, bende nyaka nonege kendo chiengʼ mar adek nochiere obed mangima.

Mathayo 22:46

To onge ngʼato kata achiel mane nyalo dwoke kata wach achiel, kendo chakre chiengʼno kadhi nyime, onge ngʼato kata achiel manohedhore penje penjo moro kendo.

Mathayo 26:4

kendo negichano mondo gimak Yesu e yo moro malingʼ-lingʼ mondo ginege.

Mathayo 26:59

Jodolo madongo gi jobuch Sanhedrin duto ne manyo nend miriambo moro mane ginyalo donjonego Yesu mondo gingʼadne buch tho.

Mariko 14:1

Kane odongʼ ndalo ariyo mondo Sap Pasaka kod Sawo mar makati ma ok oketie thowi ochopi, jodolo madongo gi jopuonj chik ne manyo yo moro malingʼ-lingʼ mane ginyalo makogo Yesu mondo ginege.

Mariko 3:6

Bangʼeno jo-Farisai nowuok modhi kendo negichako chano kaachiel gi jo-Herodia kaka digineg Yesu.

Johana 11:47

Eka jodolo madongo gi jo-Farisai nochoko buch jo-Sanhedrin, kendo negipenjore niya, “Watim angʼo? Ngʼatni medo timo timbe honni mangʼeny moloyo.

Johana 12:10

Omiyo jodolo madongo noloso chenro kaka digineg Lazaro kaachiel kode,

Johana 7:1

Bangʼ mano Yesu nodhi koni gi koni e piny Galili, kotemo bedo mabor gi Judea nikech jo-Yahudi ne rite kuno mondo ginege.

Tich Joote 5:33

Kane giwinjo wachni, mirima mager nomakogi, kendo negidwaro nego joote.

Tich Joote 9:23

Bangʼ ndalo mangʼeny, jo-Yahudi nochano mondo oneg Saulo,