Johana 10:27 - Motingʼo Loko Manyien

²⁷ Rombena winjo dwonda, bende angʼeyogi kendo giluwo bangʼa.

MUMA MALER 2015

²⁷ Romba ong’eyo dwonda, kendo an bende ang’eyogi, kendo giluwo bang’a.

Johana 10:27 ပူးပေါင်းရင်းမြစ်များ

1 Ruodhi 18:21

Elija nodhi mochungʼ e nyim ji mowachonegi niya, “Nyaka karangʼo ma ubiro digni e kind paro ariyo? Ka Jehova Nyasaye en Nyasaye, luweuru, to ka Baal en nyasaye luweuru.” To ji ne olingʼ thi.

Isaya 66:22

Jehova Nyasaye wacho niya, “Mana kaka polo manyien machweyo gi piny manyien nosiki e nyima, e kaka nyingi kod nying nyikwayi nosiki.

Mathayo 16:24

Eka Yesu nowachone jopuonjrene niya, “Ka ngʼato dwaro luwo bangʼa to nyaka okwedre kende owuon kendo otingʼ msalape eka oluwa.

Mathayo 17:5

Kane pod owuoyo, boche polo nobiro apoya moumogi, kendo dwol moro noa e boche polo kawacho niya, “Ma en Wuoda mahero kendo en ema chunya mor kode, winjeuru!”

Mathayo 25:12

“To nodwokogi ni, ‘Awachonu adier ni akiau.’

Mathayo 7:23

To ananyisgi e wangʼ-gi ni, ‘Akiau nyaka aa chakruok, ayeuru e nyima, un jorichogi!’

Mariko 10:21

Yesu nongʼiyo wuowino mohere, eka owachone niya, “Gimoro achiel ema iremo. Wuogi idhi ilok mwanduni duto ma in-go pesa mondo ipog joma odhier, eka inibed gi mwandu mokan e polo. Bangʼ timo kamano to bi mondo iluwa.”

Mariko 8:34

Eka Yesu noluongo oganda ire, kaachiel gi jopuonjrene mi owachonegi niya, “Ka ngʼato dwaro luwo bangʼa to nyaka okwedre kende owuon kendo otingʼ msalape eka oluwa.

Luka 13:27

“To obiro dwoko ni, ‘Ok angʼeyou, kata kuma uae akia. Ayiuru kuoma un jorichogi!’

Luka 9:23

Eka nowachonegi duto niya, “Ka ngʼato dwaro luwo bangʼa, to nyaka okwedre owuon kendo otingʼ msalape ndalo duto eka oluwa.

Johana 10:14

“An e jakwath maber; angʼeyo rombena kendo rombena bende ongʼeya.

Johana 10:16

An gi rombe moko ma ok ni e abich rombegi. Gin bende nyaka akelgi kendo giniwinj dwonda, eka rombe duto nobed kweth achiel man-gi jakwath achiel.

Johana 10:8

Ji duto mane obiro motelona ne gin jokwoge kendo jomecho, to rombe ne ok owinjogi.

Johana 12:26

Ngʼato angʼata matiyona nyaka luwa, kendo kama antie ema jatichna bende nobedie. Ngʼat matiyona Wuora biro miyo duongʼ.

Johana 21:22

Yesu nodwoke niya, “Ka adwaro ni osik kongima nyaka aduogi, to mano chandi nangʼo? In to luwa!”

Johana 5:25

Awachonu adier ni ndalo biro, kendo koro osechopo, ma joma otho biro winjo dwond Wuod Nyasaye, kendo joma owinjo dwolno biro doko mangima.

Johana 8:12

Yesu nochako owuoyo kodgi, kowacho niya, “An e ler mar piny, ngʼato angʼata ma luwa ok nyal wuotho e mudho, to enobed gi ler mar ngima.”

Johana 8:43

Angʼo momiyo gik mawacho ok nyal donjonu kendo ok unyal winjo tiendgi?

Tich Joote 3:23

Ngʼato angʼata ma ok winje, to nongʼad kare oko chuth e kind ogandane.’

1 Jo-Korintho 8:3

To ngʼat mohero Nyasaye, to Nyasaye ongʼeyo.

Jo-Galatia 4:9

To ka koro usengʼeyo Nyasaye, kata kawacho e yo machielo maber moloyo ka koro Nyasaye osengʼeyou, to ere kaka uchako udok e timbe machon mag piny, mayom yom kendo maonge teko? Udwaro ni timbegi ochak oketu wasumbini kendo?

2 Timotheo 2:19

Kata kamano mise mongirore mar Nyasaye ochungʼ motegno kendo ondikie ndiko ma ok ruchre mawacho niya, “Ruoth ongʼeyo joge,” kendo niya, “Ngʼato ka ngʼato maluongo nying Ruoth nyaka pogre gi timbe maricho.”

Jo-Hibrania 3:7

Kuom mano, mana kaka Roho Maler wacho niya, “Kawuono ka uwinjo dwonde,

Fweny 14:4

Jogi e joma ne ok odwanyore gi mon, to ne giritore maler. Giluwo bangʼ Nyarombo kamoro amora modhiye. Nongʼiewgi kigologi kuom ji migichalo kaka olembe mokwongo chiek michiwo ni Nyasaye kod Nyarombo.

Fweny 3:20

Ne! Achungʼ e dhoot kendo aduongʼo, ka ngʼato angʼata owinjo dwonda mi oyawona dhoot to abiro donjo ire mi achiem kode to en bende ochiem koda.