Johana 1:16 - Motingʼo Loko Manyien

¹⁶ Waduto waseyudo gweth mogundho kuom ngʼwonone mathoth.

MUMA MALER 2015

¹⁶ Waduto waseyudo gueth mathoth moa kuom ng’wonone mogundho,

Johana 1:16 ပူးပေါင်းရင်းမြစ်များ

Zaburi 84:7

Tekreni osiko medore ameda, nyaka chop moro ka moro kuomgi chop Sayun e nyim Nyasaye.

Zekaria 4:7

“Yaye, in got maduongʼ, in to in angʼo? Ibiro pieyi piny michal gi pap e nyim Zerubabel. Bangʼe obiro keto kido mogik mar gedo ka ji kok gimor ni, ‘Nyasaye mondo ogwedh odni! Nyasaye mondo ogwedh odni!’ ”

Mathayo 13:12

Ngʼat man-go nomedne mi nobed gi gik mogundho; to ngʼat ma ongego kata mano ma en-go nomaye.

Mathayo 3:11

“An abatisou gi pi mondo omi ulokru uwe richou. To ngʼato biro bangʼa ma oloya gi duongʼ, ma kata akande ok awinjora tingʼo. En obiro batisou gi Roho Maler kod mach.

Mathayo 3:14

To Johana notemo tame, kawacho niya, “Ibiro ira nade to an ema adwaro mondo ibatisa?”

Luka 21:15

Nimar abiro miyou weche gi rieko maonge wasiku kata achiel ma biro tamore kata kwero wachuno.

Johana 3:34

Nimar Jal ma Nyasaye oseoro wacho weche Nyasaye, nikech Nyasaye chiwo Rohone mogundho ma ok ongʼwonyo lwete.

Jo-Rumi 5:17

Nikech ka richo mar ngʼat achiel nomiyo tho olocho kuom ngʼat achielno, koro joma yudo ngʼwono mogundho kod mich mar ngima makare donge biro bedo gi loch mar ngima maduongʼ moloyo kuom ngʼat achielno, ma en Yesu Kristo.

Jo-Rumi 5:2

ma kuome waseyude kuom yie yor chopo e ngʼwono makoro wan-goni. Bende wail kuom geno mar duongʼ mar Nyasaye.

Jo-Rumi 5:20

To Chik nomedi mondo richo omedre. To kama richo nomedoree, ngʼwono nomedoree moloyo,

Jo-Rumi 8:9

To kata kamano, un ok chiku gi kido mar richo, to Roho ema chikou, ka en adier ni Roho mar Nyasaye odak eiu. Kendo ka ngʼato onge gi Roho mar Kristo ok en ngʼat Kristo.

Jo-Efeso 1:23

ma en ringre Kristo. En e Jal mapongʼo kendo romo gik moko duto.

Jo-Efeso 3:19

Alamo mondo ungʼe hera modhiero ngʼeyo gi rieko duto, eka upongʼ gi kit Nyasaye duto.

Jo-Kolosai 1:19

Nyasaye ne mor mondo kite duto obed kuom Wuode,

Jo-Kolosai 2:3

En ema mwandu duto mag rieko kod ngʼeyo Nyasaye opando kuome.

1 Petro 1:11

Roho mar Kristo mane nikuomgi nonyisogi chon kuom masiche mane Kristo biro yudo kod duongʼ mane biro luwo masichego, omiyo ne gitemo manyo kinde mane gigo biro timoree kendo kaka negibiro timore.

1 Petro 1:2

Nyasaye Wuoro noyierou chon kaka dwarone obet mondo opwodhu gi Roho, umak chik Yesu Kristo kendo mondo rembe okir kuomu. Ngʼwono kod kwe mogundho obed kodu.