Johana 1:11 - Motingʼo Loko Manyien

¹¹ Nobiro ir joge owuon, to joge ne ok orwake.

MUMA MALER 2015

¹¹ Nobiro e pinye, to joge ne ok orwake.

Johana 1:11 ပူးပေါင်းရင်းမြစ်များ

Mathayo 15:24

Nodwoko niya, “Ne oora mana ne rombe molal mag Israel kende.”

Luka 19:14

“To joge nosin kode kendo negioro joote modhiyo ire mondo giwach ni, ‘Ok wadwar ngʼatni mondo obed ruodhwa.’

Johana 1:10

Ne en e piny, to kata obedo ni en ema nomiyo ochwe piny, to piny ne ok ongʼeye.

Johana 1:12

To ji duto mane orwake, mi oyie kuome, nomiyogi teko mar doko nyithind Nyasaye,

Johana 19:27

Nowacho bende ni japuonjreno niya, “Neye mamau!” Chakre chiengʼno japuonjreno nokawe odhi kode dalane owuon.

Johana 3:32

Otimo neno kuom gik moseneno kendo owinjo, to onge ngʼama orwako nende.

Tich Joote 13:26

“Owetena, ma nyikwa Ibrahim, kod un joma ok jo-Yahudi moluoro Nyasaye, wan ema oseornwa wach warruokni.

Tich Joote 13:46

Eka Paulo gi Barnaba nomedo wuoyo gi chir kagiwacho niya, “Ne bernwa mondo un ema wayalnu Wach Nyasaye mokwongo. To nikech udage kendo nikech ok ukwanoru ka joma owinjore yudo ngima mochwere, koro waweyou mondo wayal wachni ni joma ok jo-Yahudi.

Tich Joote 21:6

Eka ne wagoyonegi oriti, bangʼe wadonjo e yie, ka gin to gidok miechgi.

Jo-Rumi 15:8

Nimar anyisou ni Kristo osedoko jatich jo-Yahudi mondo ochop adiera mar Nyasaye, mondo omi singruok mane omi kwerewa otimre,

Jo-Rumi 9:1

Awacho adiera kuom Kristo kendo ok ariambi; chunya bende bedo janeno kuom wach ma awachoni ni en adier kuom Roho Maler.

Jo-Rumi 9:5

Gin bende ema kwerewa madongo noa kuomgi, kendo kata mana Kristo, kuom anywolane kaka dhano, bende oa kuomgi; En ma en Nyasaye kuom duto, kendo mipako nyaka chiengʼ! Amin.

Jo-Galatia 4:4

To ka kinde mane Nyasaye ochano nochopo, to nooronwa Wuode mane dhako onywolo, kendo mane onywol e bwo Chik,