Jeremia 7:5 - Motingʼo Loko Manyien

⁵ Ka uloko yoreu gi timbeu adier kendo ungʼadone ngʼato ka ngʼato bura makare,

MUMA MALER 2015

⁵ Lokuru yoreu gi timbeu, kendo ng’ato ka ng’ato mondo otim ni wadgi gima kare.

Jeremia 7:5 ပူးပေါင်းရင်းမြစ်များ

Isaya 1:19

Ka uyie kuoma muboloru kendo umako chikena duto, to unucham gik mabeyo mag piny;

Isaya 16:3

“Ngʼadnwauru rieko, nyiswa gima onego watim. Pandwauru mondo kik yudwa kendo panduru jowa moringo lweny, kendo kik uyie mondo omaki joma oseringo.

Jeremia 21:12

Yaye od Daudi, ma e gima Jehova Nyasaye wacho: “ ‘Ngʼad bura makare okinyi ka okinyi; kony ngʼatno ma imayo e lwet joma thire, ka ok kamano to mirimba noolre oko, kendo liel ka mach nikech timbe mamono misetimo nowangʼ, maonge ngʼama nyalo kweye.

Jeremia 22:15

“Bedo gi yiende mag sida mangʼeny nyalo miyo ibed ruoth? Donge wuonu ne nigi chiemo kod math? Notimo gima ratiro kendo nikare, omiyo duto nobedo maber kode.

Jeremia 22:3

Ma e gima Jehova Nyasaye wacho: Tim gima nikare kendo mowinjore. Res ngʼatno e lwet ngʼama thire, ngʼatno mosemaye. Kik itim marach kata tugo lweny gi jadak, kiye kata mon ma chwogi otho, kendo kik ichwer remo maonge gi wach ka eri.

Jeremia 26:13

Koro lokuru yoreu gi timbeu kendo uluor Nyasachu. Eka Jehova Nyasaye nolok pache kendo ok nokel masira kuomu mosechano timonu.

Jeremia 7:3

Ma e gima Jehova Nyasaye Maratego, Nyasach jo-Israel, wacho: Lok yoreu kod timbeu, to anami udagi kaye.

Ezekiel 18:17

Otamo lwete mondo kik otim richo kendo ok okaw asoya kata ohala mokalo tongʼ. Orito chikena kendo oluwo buchena. Ok obi tho nikech richo wuon mare to obiro bedo mangima kuom adier.

Ezekiel 18:5

“Kaponi nitie ngʼat moro makare moluwo adiera kendo timo gima kare.

Ezekiel 18:8

Ok ohol ji gige mondo oyudie ohala, kata ohala mokadho tongʼ ok okaw. Ok oyie mondo lwete otim gima rach kendo ongʼado bura maber e kind ji ka ok odew wangʼ.

Tim jo-Lawi 25:17

Kik ngʼat maa nyawadgi, to luoruru Nyasachu. An e Jehova Nyasaye ma Nyasachu.

Zekaria 7:7

Magi donge e weche mane Jehova Nyasaye owacho kotiyo gi jonabi machon, e kinde mane Jerusalem gi mier molwore ne nigi kwe kendo dhi maber, bende e kinde ma Negev gi pinje manie tie gode ma yo podho chiengʼ ne pok ji odakie?’ ”

Jong’ad Bura 21:12

Kuom joma nodak Jabesh Gilead negiyudo nyiri mia angʼwen mapok ongʼeyo chwo kendo negiterogi e kambi mar Shilo man Kanaan.

Jong’ad Bura 5:1

Chiengʼno Debora kod Barak wuod Abinoam nowero wendni: