Jeremia 51:31 - Motingʼo Loko Manyien

³¹ Jangʼwech achiel luwo bangʼ machielo kendo jaote luwo bangʼ jaote machielo, mondo olandne ruodh Babulon ni dalane maduongʼ mangima osemaki,

MUMA MALER 2015

³¹ Joote mang’eny ringo kaa koni gi koni mondo onyis ruodh Babulon ni wasigu osemwomo ohinga kuonde duto.

Jeremia 51:31 ပူးပေါင်းရင်းမြစ်များ

2 Weche mag Ndalo 30:6

Omiyo joote nodhi Israel gi Juda duto kaka ruoth nochiko ka gitingʼo barupe mane oa ir ruoth kod jodonge mondikie niya, “Jo-Israel dwoguru ir Jehova Nyasaye ma Nyasach Ibrahim gi Isaka kod Israel mondo mi oduog iru un joma odongʼ mosetony e lwet ruodhi mag Asuria.

Esta 8:10

Modekai nondiko gi teko mar ruoth Ahasuerus mokete sei gi tere mar ruoth bangʼe nooro barupego gi jongʼwech maringo matek koidho farese mag ruoth.

Esta 8:14

Joote mane oidho farese maka ruoth noringo matek kadhi kaluwore gi chik mane ruoth ogolo. Milomeno bende nogo e ohinga mar Susa.

Ayub 9:25

“Ndalona ringo mapiyo moloyo jangʼwech; girumo piyo ka gionge mor kata matin.

Jeremia 4:20

Masira bangʼ masira; piny duto okethi. Ka diemo wangʼ nono hembena omuki, kara mar dak ka mil polo.

Jeremia 50:2

“Nyisuru kendo landuru e dier ogendini, tingʼuru bandera kendo landuru; kik upand gimoro, to wachni, ‘Babulon nomaki; Bel wiye nokuodi, Marduk luoro nogo ngoga. Gige mopa nokuod wigi kendo nyisechegi manono nopongʼ gi luoro.’

Jeremia 50:24

Achikonu obadho, yaye Babulon, kendo nomaku kapod ok ungʼeyo; noyudu kendo omaku nikech ne ukwedo Jehova Nyasaye.

Jeremia 50:43

Ruodh Babulon osewinjo humbgi; kendo bedene onge gi teko. Rem malich osemake, ka rem mar dhako mamuoch kayo.

Jeremia 51:32

kuonde mikalogo aora osemuki, odundu wangʼ, kendo jolweny luoro omako.”

Daniel 5:30

Gotienono Belshazar ruodh jo-Babulon nonegi,