Jeremia 5:25 - Motingʼo Loko Manyien

²⁵ Timbeu maricho osetamou nwangʼo gigi; richou osetamou neno maber.

MUMA MALER 2015

²⁵ To timbeu maricho oseketho gigo, kendo richou osemono gik mabeyo ma kamago bironu.

Jeremia 5:25 ပူးပေါင်းရင်းမြစ်များ

Zaburi 107:17

Moko kuomgi nobedo joma ofuwo nikech yoregi mobam kendo negineno thagruok nikech timbegi mamono.

Zaburi 107:34

kendo lowo manyak maber nodoko lowo motimo chumbi, maonge tich nikech timbe mamono mag joma nodak kuondego.

Isaya 59:2

To richou ema osepogou gi Nyasachu; richou ema omiyo osepandonu wangʼe mondo kik owinju.

Jeremia 14:1

Ma e wach Jehova Nyasaye mane omiyo Jeremia e wach oro:

Jeremia 14:7

Kata obedo ni richowa nyisowa ni wan joketho, yaye Jehova Nyasaye, tim gimoro nikech nyingi. Wasebaro waweyo yoreni; kendo wasetimo richo e nyimi.

Jeremia 3:3

Emomiyo osetuonu koth, kendo kodh chwiri pod ok ochwe. Kata kamano in gi neno machalo gi mar ochot; wiyi bende ok kuodi nikech ionge gi wichkuot.

Jeremia 4:18

“Kiti kod timbegi iwuon osemiyo ma obiro kuomi. Ma en kum mari. Mano kaka olit! Mano kaka opowo nyaka e chuny!”

Ywagruok 3:39

Ere gima omiyo ngʼato angʼata mangima ngʼur ka okume nikech richoge?

Ywagruok 4:22

Yaye jo-Sayun, kum mane okumugo biro rumo; bende ok nochak omed ndalou mar twech. To un jo-Edom, obiro kumou nikech richou kendo timbeu mamono obiro elo e lela.