Jeremia 49:28 - Motingʼo Loko Manyien

²⁸ Kuom Kedar gi pinyruodhi mag Hazor, mane Nebukadneza ruodh Babulon omonjo: Ma e gima Jehova Nyasaye wacho: “Chungʼuru malo, kendo umonj Keda, mi utiek joma aa yo wuok chiengʼ.

MUMA MALER 2015

²⁸ Ruoth Nyasaye nowuoyo kuom jo-Kedor kod ruodhi mag Hazor mane Nebukadnezar ruodh Babulon oloyo niya, “Dhiyouru umonj jo-Kedar ma jo-Arabu modak yo wuok chieng’, mi utieki.

Jeremia 49:28 ပူးပေါင်းရင်းမြစ်များ

Chakruok 25:13

Magi e nying yawuot Ishmael kaluwore gi nywolgi: Nebayoth, wuod Ishmael makayo, Kedar, Adbel, Mibsam,

Chakruok 25:6

To kane pod ongima, nochiwo mich ne yawuot monde ma jotichge kendo nodarogi mondo gia kuom Isaka koterogi e piny man yo wuok chiengʼ.

1 Weche mag Ndalo 1:29

Ishmael nonywolo Nebayoth wuode makayo, Kedar, Adbel, Mibsam,

Ayub 1:3

kendo ne en gi rombe alufu abiriyo, ngamia alufu adek, rweth pur mia abich, gi punde mia abich, kendo ne en gi jotich mangʼeny. Kuom mano, ne en ngʼat marahuma moloyo ji duto modak yo wuok chiengʼ.

Zaburi 120:5

Malit ochoma adier nikech adak Meshek, hapa rach nikech adak e dier hembe mag Kedar!

Wer Mamit 1:5

An nyako ma dichol kendo ma jaber, yaye nyi Jerusalem, an dichol mana ka hembe mag Kedar, kendo mana ka pasia molier e hembe Solomon.

Isaya 11:14

Ginimonj jo-Filistia kagiwuok yo podho chiengʼ, kendo giniriwre ka giyako gige ji nyaka yo wuok chiengʼ. Ginikaw piny Edom kod Moab, Jo-Amon to nobed wasumbinigi.

Isaya 21:13

Wach mokor kuom jo-Arabu: Un jo-Dedan ma jo-ohala mawuotho ka gi kacha ka bworo e thim jo-Arabu,

Isaya 42:11

Weuru kuonde motimo ongoro gi miechgi mondo ogo koko; kendo weuru joma odak e gwenge mag Kedar obed mamor. Weuru joma odak Sela ower gi mor, ka gikok ewi got malo.

Jeremia 2:10

Dhiuru loka e dho nembe mag Kitim kendo ungʼigi kaka gichalo, bende oruru ji Kedar mondo ginon maber; mondo gine anena ka gima chal kama nosebetie:

Jeremia 25:23

Dedan, Tema, Buz kod jogo duto mantiere kuonde maboyo;

Jeremia 25:24

ruodhi duto mag Arabu kod ruodhi duto mag welo modak kama otwo;

Jeremia 49:14

Asewinjo wach koa kuom Jehova Nyasaye kama: Jaote oseor mondo owach ne ogendini niya, “Chokreuru mondo umonje! Chungʼuru malo wadhi e kedo!”

Jeremia 49:33

“Hazor nobed thim mar ondiegi, kama ojwangʼ nyaka chiengʼ. Onge ngʼama nodag kanyo; onge ngʼama nodag e iye.”

Ezekiel 27:21

“ ‘Jo-Arabu gi yawuot ruodhi mag Kedar duto bende ne gin jogi milokogo ohala. Negiloko kodi gi nyirombe, gi imbe, kod diek.

Jong’ad Bura 6:3

Kinde ka kinde mane jo-Israel opidho cham mag-gi, jo-Midian, jo-Amalek kod jogo moa yo wuok chiengʼ ne monjo piny.