Jeremia 48:45 - Motingʼo Loko Manyien

⁴⁵ “E tipo mar Heshbon joma noringo odongʼ ka ok nyal, nimar mach osemoko liel Heshbon kendo ligek mach osewuok e dier Sihon; owangʼo lela wangʼ Moab, kod choke wich mag jongʼayigo!

MUMA MALER 2015

⁴⁵ Joma ringo, ma ok nyal yudo konyruok, temo mondo opondi e dala mar Heshbon ma chon ruoth Sihon nodakie, to gibiro yudo ni dalano osemokie mach. Mach osewang’o tong’ piny kod wi gode mag jo-Moab mohero lwenygi.

Jeremia 48:45 ပူးပေါင်းရင်းမြစ်များ

Zaburi 135:11

kaka Sihon ruodh jo-Amor, gi Og ruodh Bashan, kod ruodhi duto mag Kanaan,

Zaburi 78:63

Mach notieko yawuotgi matindo, kendo nyigi ne ok owernegi wende kisera;

Jeremia 2:16

Bende, jo-Memfis gi jo-Tapanhes oselielo osimbo mar wiyi.

Jeremia 48:2

Pak mar Moab ok nobedi kendo; ji nochan kethruokne ei Heshbon kagiwacho kama: ‘Biuru, watiek pinyni.’ Yaye joma odak Madmen, un bende ligangla nolawu mulingʼ thii.

Amos 2:2

kuom mano abiro oro mach e piny Moab mondo owangʼ kuonde mochiel motegno mag Kerioth. Jo-Moab biro tho ei lweny mager, ka jolweny giyo sigich lweny kendo tungʼ ywak.

Zekaria 10:4

Juda ema kidi mar gero kor ot kod sigingi migurogo hema nowuogie. Kuome ema atungʼ mar lweny, kod jotelo duto nowuogie.

Kwan 21:21

Israel nooro joote mondo owach ne Sihon ma ruodh jo-Amor kama:

Kwan 21:26

Heshbon ne en dala maduongʼ mar Sihon ruodh jo-Amor mane osekedo gi ruoth machon mar Moab kendo nosemayo lopene duto mochopo nyaka aora Arnon.

Kwan 21:28

“Mach nowuok Heshbon, en mach makakni moa e dala maduongʼ mar Sihon. Nowangʼo Ar man Moab, ma gin jokanyo mag kuonde motingʼore malo mag Arnon.

Kwan 21:29

Okwongʼi, yaye Moab, otieku duto, yaye jo-Kemosh! Oseweyo yawuote e lwet nono mobedo jonjore kendo nyige obedo joma oter e twech, ir Sihon ruodh jo-Amor.

Kwan 24:17

“Anene, to ok sani; asudo machiegni, to ok bute. Sulwe biro wuok koa kuom Jakobo; ludh loch biro wuok ei Israel. Obiro toyo wiye jo-Moab, kod wiye yawuot Sheth duto.

Mathayo 21:42

Yesu nowachonegi niya, “Donge usesomo Ndiko mawacho niya, “ ‘Kidi mane jogedo odagi osedoko kidi motegno moriwo kor ot, Jehova Nyasaye ema osetimo mano, kendo en gima iwuoro ka waneno?’