Jeremia 46:8 - Motingʼo Loko Manyien

⁸ Misri bubni ka aora Nael kendo mana ka aore ma pigegi bubni. Owacho ni, ‘Abiro gingora kendo anapongʼ piny; anaketh mier madongo kod ji modakie.’

MUMA MALER 2015

⁸ Gin jo-Misri ema gingore ka Nael, kendo ka aora ma mwomo genge! Misri wacho niya, “Abiro gingora mi apong’ piny, kendo aketh mier gi ji modakie.”

Jeremia 46:8 ပူးပေါင်းရင်းမြစ်များ

Ezekiel 29:3

Wuo kode kendo iwachne ni: ‘Ma e gima Jehova Nyasaye Manyalo Gik Moko Duto wacho: “ ‘Adagi, in Farao ruodh Misri, ichalo gi thuond rachier modak e aore magi. In to iwacho niya, “Aora Nael en mara, mane aloso gi lweta awuon.”

Ezekiel 32:2

“Wuod dhano, chwog wend ywak ni Farao ruodh Misri, kendo wachne ni: “ ‘Ichalo ka sibuor e kind ogendini, ichalo gi thuol malich mantie e chuny nembe madongo, ka imuomo aoreni ka ithacho pi gi tiendeni, kendo ka iduwo pige mag aore magi.

Daniel 11:10

Yawuote noikre ne lweny kendo ginichok oganda maduongʼ mar jolweny, ma noywe kamoro amora ma gichomo mana ka ohula ma ok gengʼre, kendo giniked mi gichop nyaka ei ohinga mare.

Amos 8:8

“Donge gima kamano biro miyo piny yiengni mi ji duto modak e iye ywagi? Piny duto biro pongʼ ma oo oko mana ka aora Nael manie piny Misri.”