Jeremia 41:8 - Motingʼo Loko Manyien

⁸ To ji apar kuomgi nowachone Ishmael niya, “Kik inegwa! Wan gi ngano kod shairi gi mo, kod mor kich, mwapando e puothe.” Omiyo noweyogi kendo ne ok onegogi gi joma moko.

MUMA MALER 2015

⁸ To ji apar kuom jogo nosayo Ishmael, kawachone niya, “Kiyie to kik inegwa! Wan gi cham gi mor zeituni kod mor kich mwasepando e bungu.” Omiyo noweyogi, mi ok onegogi kaka ne onego jowadgi mamoko.

Jeremia 41:8 ပူးပေါင်းရင်းမြစ်များ

Ayub 2:4

Satan nodwoko niya, “Dhano nyalo yie weyo gimoro amora ma en-go mana ni mondo obed mangima.

Ngeche 13:8

Mwandu ngʼato sa moro nyalo reso ngimane, to jochan onge gima bwogo.

Isaya 45:3

Anamiyi mwandu mopandi e mudho, mwandu mokan kuonde mopondo, mondo omi ingʼe ni An e Jehova Nyasaye ma Nyasach Israel, maluongi gi nyingi.

Jeremia 41:9

Koro buche mane owitoe ringre chwo duto mane osenego kaachiel gi Gedalia ne en mano mane Ruoth Asa oloso kaka kar pondone kane okedo gi Baasha ruodh Israel. Ishmael wuod Nethania nopongʼe gi ringre joma otho.

Mathayo 16:26

Koso en ber mane ma ngʼato yudo ka piny duto obedo mare to ngimane to olalne? Koso en angʼo ma ngʼato dichiw mondo owil gi ngimane?

Mathayo 6:25

“Emomiyo awachonu ni, kik uparru kuom ngimau, kata kuom gik ma ubiro chamo kata madho; kata kuom dendu kata gik ma ubiro rwako. Donge ngima duongʼ moloyo chiemo, koso del donge duongʼ moloyo lewni?