Jeremia 38:6 - Motingʼo Loko Manyien

⁶ Omiyo negikawo Jeremia ma giketo e bur mar Malkija, wuod ruoth, mane nitiere e laru mar jarito. Ne giloro Jeremia gi tonde ei burno; ne onge pi e iye, chwodho ema ne nitie, kendo Jeremia nonimo ei chwodho.

MUMA MALER 2015

⁶ Kuom mano ne gikawo Jeremia, mi ginyumo e soko jaduong’ Malkia, mane nie laru mar od jorit. Sokono ne onge pi, mak mana chuodho, omiyo ne gilore piny, e iye gi tonde, mi onyumore e chuodho.

Jeremia 38:6 ပူးပေါင်းရင်းမြစ်များ

Chakruok 37:24

kendo ne gikawe mi giwite e bugo. Bugono ne ninono kendo pi ne onge e iye.

Zaburi 109:5

Gichula rach kar ber, kod achaya kar osiep.

Zaburi 40:2

Ne oywaya oko e bur motimo otodo, ne ogola e chwodho gi thidhna. Ne oketo tiendena e lwanda kendo nomiya kama otegno mondo achungie.

Zaburi 69:2

Asechako nimo e chwodho matut, kama onge lowo motegno ma ngʼato nyalo chungʼie. Asechopo e chuny pi kama tut, kendo apaka olwora oketa diere.

Jeremia 32:2

Jolwenj ruodh Babulon ne monjo Jerusalem, kendo Jeremia janabi ne otwe e agola moriti e kar dak mar ruodh Juda.

Jeremia 36:26

Makmana, ruoth nomiyo Jeramel, ma wuod ruoth, Seraya wuod Azriel gi Shelemia wuod Abdil chik, mondo omak Baruk jandiko kod Jeremia janabi. To Jehova Nyasaye nosepandogi.

Jeremia 37:16

Jeremia noketi e od twech manie bwo ot, kama ne obetie kuom kinde marabora.

Jeremia 37:21

Eka Ruoth Zedekia nochiwo chik mondo Jeremia oket e laru jarito kendo miye makati koa e yore mag jolos makati odiechiengʼ ka odiechiengʼ, nyaka makati duto man e dala maduongʼno norumo.

Jeremia 38:13

mine giywaye gi tol ma gigole oko mar bur. Kendo Jeremia nodongʼ e laru mar jarito.

Jeremia 38:22

Mon duto mane odongʼ kar dak mar ruodh Juda nokelne jotelo mar ruodh Babulon. Mon-go nowachni ni: Osiepegi mane igenogo nowuondi kendo noloyi. Tiendegi oselingʼore e chwodho; osiepegi oseweyi.

Daniel 6:16

Omiyo ruoth nogolo chik, kendo negikelo Daniel mi gibole e bur sibuoche, kendo ruoth nowachone Daniel niya, “Mad Nyasachi, mitiyone ndalo duto, konyi!”

Zekaria 9:11

Abiro golo jogi motwe kagolo e bur matut maonge pi, nikech singruokna mane atimo kodu gi remo.

Tich Joote 16:24

Jarit od twech nokawo chikno matek mi noketogi ei od twech maiye, kotweyo tiendegi e kind lodi mag yien.

Jo-Hibrania 10:36

Dwarore ni umed timo kinda kuom timo dwaro Nyasaye, eka unwangʼ gik mosesingore ni nomiu.