Jeremia 34:15 - Motingʼo Loko Manyien

¹⁵ Kinde mosekadho machiegni, ne ikwayo weruok kendo ne itimo gima nikare e nyim wangʼa: Un duto ne uyie weyo oweteu thuolo. Bende ne utimo singruok e nyima e ot motingʼo Nyinga.

MUMA MALER 2015

¹⁵ Un to yande uloko parou, mi utimo gima ahero. Uduto ne uyie gonyo jo-Hibrania weteu, mi utimo singruok e nyima ei Hekalu miluongo gi nyinga.

Jeremia 34:15 ပူးပေါင်းရင်းမြစ်များ

2 Ruodhi 12:2

Joash notimo gima ber e wangʼ Jehova Nyasaye e higni duto mane Jehoyada jadolo ne ngʼadone rieko.

2 Ruodhi 14:3

Notimo gima kare e nyim Jehova Nyasaye, to ok kaka Daudi kwar mare notimo. Noluwo tim wuon mare Joash e gik moko duto.

2 Ruodhi 23:3

Ruoth nochungʼ e bath siro kendo noketo winjruok mane oselal obedo kare e nyim Jehova Nyasaye kosingore ni enoluw Jehova Nyasaye kendo norit chikene gi wechene kod buchene gi chunye duto, mondo omi oritgo weche mag singruok mondiki e kitabuni. Omiyo ji duto noyie gi singruogno.

Nehemia 10:29

noriwore gi owetegi ma joka ruoth mi gikwongʼore giduto kendo negikwongʼore ni ginilu Chike Nyasaye, mane ochiwo kokalo kuom Musa jatichne kendo ginirit chike duto gi yore duto kod puonj mag Jehova Nyasaye Ruodhwa.

Zaburi 119:106

Asekwongʼora mi aketo sei ni abiro siko kaluwo chikeni makare.

Zaburi 76:11

Singri ne Jehova Nyasaye ma Nyasachi, kendo chop singruokgo; bende jopinje duto mokiewo kodi, okel mich ne Jal monego ji luor.

Isaya 58:2

Nimar pile ka pile gidwara, ginenore joma nigi chuny mar ngʼeyo yorena, mana ka gima gin oganda matimo gima kare, kendo mapok oweyo chike Nyasachgi. Gikwaya ngʼado bura makare, kendo ginenore joma dwaro ni Nyasaye osud machiegni kodgi.

Jeremia 32:34

Negiketo nyisechegi manono e ot ma Nyinga nitiere kendo ginjawe.

Jeremia 34:8

Wach Jehova Nyasaye nobiro ne Jeremia bangʼ ka Zedekia noloso winjruok gi ji duto man Jerusalem mondo oland ni wasumbini owe thuolo.

Tim jo-Lawi 25:10

Waluru higa mar piero abich, kendo ugo milome e piny duto ni en higa ma joma otwe igonyo iweyogi gibedo thuolo. Enobed hiku mar mor; ngʼato ka ngʼato nodog thurgi ir joode kendo ir anywolane.

Mathayo 15:8

“ ‘Jogi paka mana gi dhogi kende, to chunygi bor koda.