Jeremia 33:10 - Motingʼo Loko Manyien

¹⁰ “Ma e gima Jehova Nyasaye wacho: ‘Uwuoyo kuom dala maduongʼni niya, “Osedongʼ nono chuth, maonge ji kata jamni modakie.” Kata obedo ni mier mag Juda kod yore mag Jerusalem odongʼ nono kamano, maonge ji kata jamni modakie, to ubiro chako winjo,

MUMA MALER 2015

¹⁰ Ruoth Nyasaye nowacho niya, “Ji wacho ni kaeri chalo gi thim, kendo onge ji kata jamni modakie. En adier ni miech Juda kod yore mag Jerusalem odong’ nono, kendo onge ji kata jamni mantie.

Jeremia 33:10 ပူးပေါင်းရင်းမြစ်များ

Zaburi 147:13

Omedo sirni manie dhorangeyeni teko, kendo ogwedho jogi modak e iyi.

Zaburi 85:7

Nyiswa herani ma ok rem, yaye Jehova Nyasaye, kendo mi wayud resruok mari.

Jeremia 26:9

Angʼo ma omiyo ikoro e nying Jehova Nyasaye ni odni biro chalo ka Shilo kendo ni dala maduongʼni nojwangʼ kendo nokethi maonge ngʼama nodagie?” Kendo ji duto nochokore kolworo Jeremia e od Jehova Nyasaye.

Jeremia 32:36

“Iwuoyo kuom dala maduongʼni ni, ‘Gi ligangla, kech kod masiche enochiwe ne ruodh Babulon.’ To ma e gima Jehova Nyasaye, Nyasach Israel, wacho:

Jeremia 32:43

Ka puothe mangʼeny osengʼiew e pinyni ma uwacho ni, ‘En kama ninono, maonge ji kata le, nimar osechiwe ne jo-Babulon.’

Jeremia 34:22

Anachiw chik, Jehova Nyasaye wacho, kendo anadwog-gi e dala maduongʼni. Giniked kode, ginikawe kendo giwangʼe pep. Kendo anaketh dala mag Juda mondo kik ngʼato angʼata dag kanyo.”

Ezekiel 37:11

Eka nowachona niya, “Wuod dhano, jo-Israel chalo gi chokegi. Giwacho ni, ‘Chokewa otwo kendo genowa orumo; osengʼad karwa oko.’

Tim jo-Lawi 26:32

Anaketh pinyu kendo jowasiku mabiro dakie nohum nono.

Hagai 1:4

“Bende en gima ber adier ka un uwegi udakie uteu mugero mabeyo, to hekalu marani to omukore machal kama?”