Jeremia 32:7 - Motingʼo Loko Manyien

⁷ Hanamel wuod Shalum ma wuod owadgi wuonu nobi iri kendo nowach ni, ‘Ngʼiew lopa man Anathoth, nikech kaka watna machiegni koda en ratiro mari kendo tiji mondo ingʼiewe.’

MUMA MALER 2015

⁷ Hanamel wuod Shalum ma owadgi wuora biro biro ira, ka dwaro mondo ang’iew puothe man Anathoth, nikech an watne mahie, omiyo an gi ratiro mar ng’iewo puotheno.”

Jeremia 32:7 ပူးပေါင်းရင်းမြစ်များ

1 Ruodhi 14:5

To Jehova Nyasaye nosewacho ni Ahija niya, Chi Jeroboam biro penji kuom wuode, nimar otuo kendo nyaka imiye dwoko machalo kama kata kamacha. Kochopo to obiro wuondore ni en ngʼat machielo.

Jeremia 1:1

Weche Jeremia wuod Hilkia, achiel kuom jodolo man Anathoth e piny Benjamin.

Jeremia 11:21

“Emomiyo ma e gima Jehova Nyasaye wacho kuom jo-Anathoth madwaro ngimani, ‘Kik ikor e nying Jehova Nyasaye ka ok kamano to ibiro tho e lwetwa.’

Jeremia 32:6

Jeremia nowacho niya, “Wach Jehova Nyasaye nobirona:

Jeremia 32:8

“Eka, mana kaka Jehova Nyasaye nosewacho, omera Hanamel nobiro ira e agola mar jarito kendo owacho ni, ‘Ngʼiew puotha man Anathoth kama Benjamin orito. Nikech en ratiro mari mondo ingʼiewe kendo ikawe, ngʼiewe ne in owuon.’ “Ne angʼeyo ni ma ne en wach Jehova Nyasaye;

Tim jo-Lawi 25:23

Kik ngʼato usne wadgi lowo chuth, nikech lowo en mara, un to un mana joma amiyo lowo kaka wenda kendo jodak.

Tim jo-Lawi 25:24

E pinyu kamoro amora mudakie, nyaka uyie mondo puodho mane oseusi mondo owar.

Tim jo-Lawi 25:25

Ka wadu moro dhier omako ma ouso lope, to nyaka wadgi moro tem matek kendo owarne lopeno.

Tim jo-Lawi 25:34

To puothe mag lek mag joka Lawi ok nyal usi, nikech mano en mwandugi nyaka chiengʼ.

Tim jo-Lawi 25:49

Ngʼatni nyalo bedo owad gi wuon, kata wuod wuon kata mana watne moro amora e anywolane. To en bende kobedo ja-mwandu to onyalo warore owuon.

Kwan 35:2

“Chik jo-Israel mondo gimi jo-Lawi mier ma gibiro dakie kuom pok ma jo-Israel biro yudo. Kendo umigi lege mag kwath molworo miergo.