Jeremia 31:25 - Motingʼo Loko Manyien

²⁵ Anami joma ool teko kendo joma chunygi onyosore anajiw.”

MUMA MALER 2015

²⁵ Anaduog chuny joma ool, kendo ng’ato ang’ata ma kech ohewo anami chiemo.

Jeremia 31:25 ပူးပေါင်းရင်းမြစ်များ

Zaburi 107:9

nimar otieko riyo mar joma riyo oloyo kendo omiyo joma odenyo yiengʼ gi gik mabeyo.

Zaburi 23:3

odwogo chunya. Otaya e yore mag tim makare mondo nyinge oyud duongʼ.

Isaya 32:2

Ngʼato ka ngʼato nobed kar gengʼruok ne kalausi mana ka aore mamol e piny ongoro, kendo mana ka tipo mar Lwanda maduongʼ e piny motwo.

Isaya 40:29

Omiyo joma ool teko kendo omedo joma tekregi orumo bedo motegno.

Isaya 41:17

“Joma chandore kendo joma odhier manyo pi, to ok gininwangʼ, omiyo dwondgi otwo nikech riyo ohingogi. To an Jehova Nyasaye abiro resogi; An, ma an Nyasach Israel ok anajwangʼ-gi.

Isaya 50:4

Jehova Nyasaye Manyalo Gik Moko Duto osemiyo apongʼ kod puonj, mondo omi angʼe wach manyalo hoyogo ngʼama ni e chandruok. Ochiewa pile okinyi kokinyi, kendo oyawo ita mondo abed gi winjo ka ngʼat mipuonjo.

Jeremia 31:12

Ginibi kendo ginikogi gi ilo e kuonde motingʼore gi malo mag Sayun; ginibed gi ilo kuom chiwo mabup mar Jehova Nyasaye, ma gin cham, divai manyien kod mo, nyithi rombe kod dhok. Ginichal gi puodho moole pi maber, kendo ok ginibed gi kuyo kendo.

Jeremia 31:14

Anami jodolo gik mathoth mongundho, kendo joga nopongʼ, gi chiwo mara mabup,” Jehova Nyasaye owacho.

Ezekiel 34:14

Abiro kwayogi e lek maber, kendo ewi gode ma roboche mag Israel nobed lek ma gikwaye. E lek kuno ema giniyweye bangʼ ka giseyiengʼ, kendo kuno ginichiemie lek momew manie ewi gode mag Israel.

Mathayo 11:28

“Biuru ira, un duto mujony kendo motingʼore mapek, mondo amiu yweyo.

Mathayo 5:6

Ogwedh jogo makech kayo kendo riyo mar tim makare oloyo, nimar gibiro yiengʼ.

Luka 1:53

Oseyiengʼo jokech gi gik mabeyo to oseriembo jo-mwandu gi lwetgi nono.

Johana 4:14

to ngʼato angʼata momodho pi mamiye ok nochak owinj riyo. Chutho, pi ma anamiye nodok soko mar pi e iye, mosiko ka bubni nyaka chop e ngima mochwere.”

2 Jo-Korintho 7:6

To Nyasaye, ma jiwo joma chunygi onyosore, nojiwowa kane Tito obiro irwa,