Jeremia 29:6 - Motingʼo Loko Manyien

⁶ Nyomburu mondo onywol yawuowi kod nyiri; yuduru mon ne yawuotu kendo uchiw nyiu mondo onyuom, magin bende ginywol yawuotgi kod nyigi mondo kwanu omedre kendo kik udog chien.

MUMA MALER 2015

⁶ Kenduru mon, mondo ubed gi nyithindo, bende kenduru ni yawuotu, kendo uwe nyiu okendi, mondo gin bende gibed gi nyithindgi. Kamano unya kuno, mondo kik udong’ chien.

Jeremia 29:6 ပူးပေါင်းရင်းမြစ်များ

Chakruok 21:21

Kane odak e thim mar Paran, min mare noyudone nyako mokendo koa e piny Misri.

Chakruok 24:51

Rebeka eri; kawe mondo udhi, kendo obed chi wuod ruodhi, mana kaka Jehova Nyasaye osechiko.”

Chakruok 24:60

Kendo negigwedho Rebeka kagiwachone niya, “Nyathiwa, bed min ji gana gi gana; mad nyikwayi medre ma kaw mier madongo mag wasikgi.”

Chakruok 29:19

Laban nowacho niya, “Ber mondo amiyi godo moloyo chiwe ni jomoko. Koro dag mana koda ka.”

Chakruok 34:4

Kendo Shekem nowacho ni wuon mare Hamor niya, “Nyuomna nyakoni obed chiega.”

Chakruok 9:7

To un, nyaguru kendo umedru; nywolreuru e piny kendo upongʼe.”

Wuok 5:11

Dhiuru mondo udwar lumbu kamoro amora ma unyalo yude, to ngʼeuru ni tiju to ok nodwok chien kata matin.’ ”

1 Timotheo 5:14

Kuom mano daher mondo mon ma chwogi otho matindo okendi, mondo ginywol nyithindo, kendo girit utegi mondo kik gimi jasigu thuolo mar ketho nying joma oyie.

Jong’ad Bura 12:9

Ne en-gi yawuowi piero adek kod nyiri piero adek. Nochiwo nyige monywom gi joma oko ma ok anywolane, to ne yawuote nokelonegi mon matindo obedo mondegi koa oko mar anywolane. Ibzan notelo ne Israel kuom higni abiriyo.

Jong’ad Bura 14:2

Kane odwogo to ne onyiso wuon-gi gi min-gi niya, “Aseneno nyar jo-Filistia modak Timna; omiyo koro kelnagouru obed chiega.”