Jeremia 23:34 - Motingʼo Loko Manyien

³⁴ Ka janabi kata jadolo kata ngʼato angʼata owacho ni, ‘Ma en wach mar Jehova Nyasaye,’ to anakum ngʼatno kod joode duto.

MUMA MALER 2015

³⁴ To kapo ni janabi kata jadolo kata achiel kuom jogi omulo wechego, kawacho niya, ‘Wach mapek moa kuom Ruoth Nyasaye,’ to anakume kaachiel gi joode.

Jeremia 23:34 ပူးပေါင်းရင်းမြစ်များ

Jeremia 36:31

Anakume gi nyithinde kod jogo marite nikech timbegi maricho; anakel kuomgi kod jogo modak Jerusalem gi jo-Juda kit masira moro amora mane asechanonegi, nikech gitamore winja.’ ”

Ywagruok 2:14

Fweny mane jonabi magi oneno ne ok adiera, to gin mana miriambo lilo, ne ok ginyisi richoni mondo omi kik teri e twech. To fweny mane ginyisi ne gin mana weche mag miriambo kendo ma wito ji.

Nahum 1:1

Wach Nyasaye kuom Nineve. Kitap fweny mar Nahum ja-Elkosh.

Zekaria 13:3

Ka dipo ni ngʼato pod dhi nyime gi koro wach, to wuon gi min monywole nowachne ni, ‘Nyaka itho, nikech isewacho miriambo kikonyori gi nying Jehova Nyasaye.’ Ka ngʼato okoro wach, to jonywolne owuon ema nonege gi ligangla.